Ақмола облысында жол жөндеп жүрген жұмысшылар борсықтарды аяусыз өлтірген (видео)
Ақмола облысында борсықтарды аяусыз өлтірген төрт жұмысшының үстінен қылмыстық іс қозғады. Бұл туралы Stan.kz ақпарат агенттігі хабарлайды.
Желіде жұмысшылардың далада борсықтардың тұтас бір отбасын өлтіргені түсірілген видео тарады.
Ақмола облыстық полиция департаментінің мәліметінше, оқиға 2025 жылдың қараша айында Екатеринбург – Алматы автожолын жөндеу барысында жүргізілген жер қазу жұмыстары кезінде болған.
"Қатыгездік көрсету дерегі бойынша қылмыстық іс қозғалды. Оқиғаға қатысқан мердігер ұйымның төрт жұмысшысы анықталды. Тергеу нәтижелері бойынша олардың әрекеттеріне құқықтық баға беріледі. Тергеу шаралары жалғасуда", – делінген полиция хабарламасында.
Полиция жануарларға қатыгездік көрсеткені үшін қылмыстық жауапкершілік қарастырылғанын еске салып, қазақстандықтарды табиғатты қорғау заңнамасын сақтауға шақырды.
