"31 қаңтарда әділет министрлігіне "Қазақстан халық конгресі" Халықаралық демократиялық партиясын құру ниеті туралы хабарлама келіп түсті. "Саяси партиялар туралы" Заңның 6-бабына сәйкес партия саны 700 адамнан кем емес азаматтар тобының бастамасы бойынша құрылады, саяси партияларды тіркеуді әділет министрлігі жүзеге асырады. Хабарлама мен құжаттарды алған күні тіркеуші орган ұйымдастыру комитетінің уәкілетті тұлғасына олардың ұсынылғанын растайтын құжатты береді. "Саяси партиялар туралы" Заңның 12-бабына сәйкес мемлекеттік органдарға ұсынылған тізімдердің дұрыстығын тексеру функциясы жүктелген. Ұсынылған құжаттарды тексеру нәтижелері бойынша Әділет министрлігі сол күні "Қазақстан халық конгресі" Халықаралық демократиялық партиясына құжаттарды тапсыру туралы растау қағазын берді", - деп мәлімдеді әділет министрлігінің баспасөз қызметі.

Министрліктің мәліметінше, растау қағазын алған күннен бастап үш айдан кешіктірмей ұйымдастыру комитеті құрылтай съезін өткізуі керек.

"Бұл алға жасалған үлкен қадам": Тоқаев жаңа партиялардың тіркелуі туралы

Сайлау басталмай тұрып Қазақстанда екі жаңа партия тіркелуі мүмкін - ОСК

"Құрылтай съезінен кейін ұйымдастыру комитеті партияға мүшелікке қабылдау жұмыстарын жүргізеді. Ол кемінде 5 мың адам болуы тиіс. Партияны тіркеу үшін құжаттар құрылтай съезі өткен күннен бастап төрт айдан кешіктірілмей тапсырылуы тиіс", - деп түсіндірген министрлік 1 ақпандағы жағдай бойынша әділет министрлігінде саяси партияларды тіркеуге өтініштер жоқ екенін жеткізді.

2023 жылғы ақпандағы жағдай бойынша республикада тіркелген жеті саяси партия бар:

1.Amanat партиясы;

2. Қазақстанның "Ақ жол" демократиялық партиясы;

3. Қазақстан халық партиясы;

4. "Ауыл" халықтық-демократиялық патриоттық партиясы;

5. "Ұлттық социал-демократиялық партия";

6. "Байтақ" қазақстандық жасылдар партиясы.

7. Respublica партиясы.

Талқылау