"80 миллион теңге қажет": Фариза Төреәлі халықтан жылу жинады

Танымал блогер Фариза Төреәлі халықтан көмек сұрап, емге ақша жинап жатыр. Бұл туралы Stan.kz ақпарат агенттігі хабарлайды. 

Фото: https://www.instagram.com/stories/farizatoreali/

Желі жұлдызы оқырмандарына отбасылы азаматтың ауырып жатқанын айтты. 

“Қазір Ерлан бауырымыз үшін ақша жинауға Алла сезім салды. 3 баланың әкесі қазір аяғының емімен арпалысып жүр. Аяғына тұрып, жүріп кетуіне себепші болсақ, қандай бақыт?! 2021 жылы жол апатына түсіп, аман қалған. Оң аяқ 1 жерден, сол аяғы 3 жерден сынған. Осы уақытқа дейін 12 ота жасалған екен. Қазір Кореяға ем іздеп барған. Тағы 6-7 ота керек екен. Ол үшін 80 млн теңге қажет", – деп жазды блогер ару. 

• "Ризыққа әсер етеді": Фариза Төреәлінің ауа райына қатысты жазбасы көпшілікті ойландырып қойды

• "Еркеден көріп қойғанбыз": Фариза Төреәлінің су жаңа сөмкесі ел талқысына түсті

Сондай-ақ Төреғали Төреәлінің қарындасы 5 минутта 1 млн теңге жиналғанын көрсетті. 

“Белсенді болып жатқан әр жанға мың алғыс! 1-2 мың аударсаңыз да, үлкен көмек болғалы тұр. 6 сағатта 16 млн теңге жиналды. 24 сағатта қанша теңге жиналатынын күтейік. Сосын мұқтаж жанға аударамыз", – деп есеп берді Фариза. 

Еске салайық, Фариза Төреәлі 24 сағатта 46 миллион теңге жинап, қатерлі ісікпен күресіп жатқан жақынына өмір сыйлаған еді.