65 келіге арықтаған қыз өзін бұрын мазақ еткен жігіттердің ұсынысын қабылдамай қойды
АҚШ-та медицина факультетінің студенті 65 келіге арықтады. Осыншама салмақ тастаған соң қызға бұрын менсінбей жүрген көп жігіттердің өзі қырындап сөз айта бастаған, деп жазады Daily Mail.
Техас штатаның тұрғыны 23 жастағы Эмма Поп семіздікпен ауырған. Ол мектепте 143 келі болса керек. Оны семіздігі үшін өзге оқушылар мазақ ететін болған.
-«Мектепте бәрі мені мазақтайтын. Бірақ мен оның ешбірін ата-анама айтпай ішімде сақтап келдім», – дейді бойжеткен.
Эмма тамақтануды азайтып, аптасына 4 күн жаттығу залына барып жүрді. Қазір ол 77 келі тартады. Бұрын өзін мазақ еткендер хат жаза бастапты. Алайда, мұндай ханзадалардың ұсынысын енді бойжеткен қабылдамайтынын айтады.
«Олардың менен кешірім сұрап, көңіл білдіруі үшін менің осынша салмақ тастауым себеп болғаны өкінішті. Оқу бітірген соң келген науқастарға үлгі болғым келеді. Өзім семіздікпен ауырып жүріп, өзгелерге кеңес бере алмаймын ғой», – дейді студент қыз.
Жіберіп алмаңыз:
Атырау-Ақтөбе тас жолы араб миллионерін шошытты
56 жастағы Сары әулие өзін жас қыздардың қалай жақсы көретінін айтып мақтанды (фото)
Атырау облысында әйелі күйеуін туған қызына азғындық жасауы мүмкін деп күмәнданады