Мұндай мәліметтерді Ұлттық статистика бюросы өткен жылдың желтоқсан айындағы жағдай бойынша жариялады. Бұл саяжай тұрғындарының жартысына жуығы жыл бойы саяжайда тұрақты тұрады деген сөз. Биыл мұндай тұрғын үйлерге жеке талаптар мен стандарттар енгізілді.

Қазір саяжай үйлерінің барлығы мұндай талапқа сай келеді деп айту қиын, себебі көпшілігінің олардың ауданы 100, 200 немесе одан да көп шаршы метрден асады. Ал адамдар ол үйлерде маусымдық емес, тұрақты өмір сүреді. Алайда биыл Қазақстанда саяжай үйлерін салуға қатысты жаңа ережелер күшіне енді. Енді олардың рұқсат етілген өлшемдері 50 шаршы метрден аспауы керек. Тиісінше, ол үйлерде тек маусым кезінде ғана тұруға болады.

"Не мектеп, не жол жоқ": Алматы облысында тұрғындар саяжайға ауыл мәртебесін бермегеніне наразы

Индустрия және құрылыс министрлігінің мәліметінше, өзгерістер 2024 жылға дейін салынған үйлерге әсер етпейді. Ережелер тек жаңа салынатын үйлерге қатысты болады.

Экономист Әнуар Нұртазин мұндай нормалардың енгізілуі азаматтардың құқығын шектейді деп есептейді. Өйткені, елімізде бос жер тапшылығы мәселесі жоқ.

“Егер бұл жеке меншік болса, онда ол менің жеке меншігім, іс жүзінде мен қалауымша сала аламын. Адамдарды 50 шаршы метрге дейін шектеу, әсіресе, көп балалы отбасылар үшін ақылға қонымсыз шешім. Жақсы, үлкен үй сала алатын адамдар мұндай үйлерге ақша салмайды, осылайша біз өз экономикамызды бәсеңдетеміз”, – дейді Әнуар Нұртазин.

Саяжай үйлеріне қатысты өзгертулер елімізде 24 мыңнан астам саяжай зардап шеккен ауқымды су тасқыны кезінде қабылданды. Алайда индустрия және құрылыс министрлігі бұл өзгерістердің су тасқынына қатысы жоқ екенін айтады.

Еске салсақ, бұған дейін Ақтөбеде су тасқынынан зардап шеккен саяжай тұрғындары мәселені шешуді сұрап, наразылық білдірген еді.

Талқылау