42500 теңгеден: Министр көпбалалы отбасылардың барлығына жәрдемақы төлеуді ұсынды
Еңбек және халықты әлеуметтік қорғау министрі көпбалалы отбасылардың табысына қарамастан, барлығына бірдей 42 500 теңгеден жәрдемақы төлеуді ұсынды. Бұл туралы Біржан Нұрымбетов үкімет отырысында айтты, деп хабарлайды Stan.kz ақпарат агенттігінің тілшісі.
Министрдің мәліметіне қарағанда, Қазақстандағы балалардың 60 пайызы көпбалалы отбасыдан шыққан.
«Осыған байланысты, көпбалалы отбасылардың қатарынан атаулы әлеуметтік көмек алып отырғандарды шығарып, оларға табысына қарамастан қолдау көрсетуді ұсынып отырмыз. Бұл көпбалалы аналардың беделін мойындайды, олардың материалдық ахуалын көтереді», - дейді еңбек және халықты әлеуметтік қорғау министрі.
Нұрымбетовтың сөзінше, жәрдемақы мөлшері сараланған түрде болады. Төрт баласы бар отбасылар айына 42 500 теңге алады. Бала саны қаншалықты көп болса, жәрдемақы да соншалықты көбейеді. Ең жоғары жәрдемақы 73 370 теңгені құрайтын болады.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық