30 жастағы америкалық өзін Билл Клинтонның некесіз туған ұлы деп есептейді
Арканзаста тұратын 30 жастағы Дэнни Уильямс өзінің әкесі АҚШ-тың бұрынғы президенті Билл Клинтон екеніне сенімді.
Бұл туралы Daily Mail хабарлайды.
Дэннидің айтуынша Клинтон Арканзаста губернатор болып тұрған кезде, жезөкше болып жұмыс істеген мұның анасымен 13 рет жыныстық қатынасқа түсіпті. Енді ол әкесін жақыннан тани түскісі келеді. Ол өзін Билл Клинтонның некесіз ұлымын деп есептейді.
Дэнни Уильямс туралы алғаш рет 1999 жылы белгілі болған. Алайда сол кезде президент болып тұрған Клинтон ДНҚ-сынаққа келісім берген, бірақ ол сараптама оның Дэннидің әкесі екенін растамапты. Ал Уильямс болса ешқашан ондай сынақ тапсырған емеспін дейді.
Арканзаста көпшілігі Дэннидің әкесі туралы шындығына сенеді. Оны тіпті бала кезінде Клинтонның зәулім үйіне де алып барған екен. Алайда баланы Хиллари Клинтон үйге кіргізбеген көрінеді.
Талқылау