"30 ел, 109 ұшақ": Қазақстанда ұшақтар мен әуе бағыттары көбейді
Қазақстан авиациясы ұшу географиясын кеңейтіп, 109 ұшақ пен 135 халықаралық бағыт шығарды. Бұл туралы Stan.kz ақпарат агенттігі хабарлайды.
Қазақстанда жаңа Airbus A320 және Boeing 737 MAX 8-ді қосқанда әуе кемелері паркі 109 бірлікке жетті.
“2025 жылы Қазақстанның азаматтық авиациясының дамуы әуе паркінің жаңаруымен және маршруттық желінің белсенді кеңеюімен қатар жүрді. Қазақстан аптасына 626 рейс жиілігімен 135 халықаралық бағыт бойынша 30 елмен әуе қатынасын қалпына келтіріп ашты.
2025 жылы Арқалық әуежайын қалпына келтіру басталды, Алматы әуежайын дамыту жоспарлары таныстырылды және "Қорғас – Шығыс қақпасы" АЭА-да әуежай салу бойынша инвестициялық келісім жасалды”, – делінген хабарламада.
Халықаралық азаматтық авиация ұйымы жүргізген аудит нәтижесінде авиациялық қауіпсіздік стандарттарына сәйкестік деңгейі 95,7% болған.
