"2050 жылы 73-ақ мың теңге": Қазақстанда зейнетақы неліктен орташа көрсеткіштен екі есе төмендеп кетті?

Фото: Stan.kz/ChatGpt арқылы жасалды

Қазақстандық қаржыгер 38 жастағы, 19 жылдық еңбек өтілі бар, ай сайын 350 000 теңге табатын әйелге жасалған нақты есепті жариялады. Бірыңғай жинақтаушы зейнетақы қорында 7 миллион теңге жинағанына қарамастан, зейнеткерлік есептегіш 2050 жылға қарай оның ай сайынғы төлемін бар болғаны 73 433 теңге деп көрсеткен. Бұл туралы Stan.kz ақпарат агенттігі хабарлайды.

Гүлнар Әмірғали жағдайды Threads әлеуметтік желісінде баяндады. 

“Бұл еңбек өтілі жоқ үй шаруасындағы әйел емес. Ол 19 жасынан бері жұмыс істеп, жарна төлеп келген адам. Соның өзінде жүйе 73 433 теңге деп көрсетіп отыр. Ойлантарлық жағдай”, – деп жазды ол.

Фото: Threads

Мұның қаншалықты шындыққа жанасатынын анықтау үшін оны Қазақстандағы қазіргі зейнетақы статистикасымен салыстырған жөн:

2025 жылдың 1 қыркүйегіндегі жағдай бойынша орташа мемлекеттік зейнетақы төлемі айына шамамен 142 894 теңге. Оның ішінде: ынтымақтастық зейнетақысы шамамен 95 326 теңге және базалық зейнетақы шамамен 47 568 теңге.

2025 жылдың басындағы ең төменгі базалық зейнетақы 32 360 теңге, ал ең төменгі жиынтық зейнетақы 62 771 теңге.

Демек, мемлекеттік орташа зейнетақының өзімен адам есептегі сомаға қарағанда екі есеге жуық көп алады.

Ал Бірыңғай жинақтаушы зейнетақы қорындағы төлемдері көбіне жалпы зейнетақыны айтарлықтай арттыруға жеткіліксіз. Себебі қазірдің өзінде мемлекеттік төлемдер белгілі бір минималды шекті деңгей қалыптастырып отыр.

Бұл жағдай көптеген азаматтың ұзақ жыл бойы жарна төлесе де, ресми еңбек өтілі болса да, зейнетке шыққанда ең төменгі мөлшерден сәл ғана жоғары төлем алатынын түсіндіреді.

Сол себепті қаржыгер тек міндетті жарналар мен жинақтарға сүйеніп, болашақ зейнетақыны жоспарлау тәуекелді екенін көрсетеді. Қолайлы қарттық үшін қосымша табыс көзін қарастыру немесе ұзақ мерзімді қаржылық жоспар құру қажет болуы мүмкін.