2026 жылы Қазақстанда жалақы мен зейнетақы қандай болады

Фото: depositphotos.com

2026 жылға арналған бюджет жобасындағы ең төменгі жалақы (ЕТЖ), зейнетақы және айлық есептік көрсеткіш (АЕК) мөлшерлері белгілі болды. Бұл туралы Stan.kz ақпарат агенттігі хабарлайды. 

"Ашық НҚА" сайтында "2026–2028 жылдарға арналған республикалық бюджет туралы" заң жобасы жарияланды. Жобада 2026 жылға арналған негізгі әлеуметтік есептік көрсеткіштер көрсетілген. 

Егер заң жобасы қабылданса, ол 2026 жылғы 1 қаңтардан бастап көрсеткіштер төмендегідей болады: 

- ең төменгі жалақы – 85 000 теңге, 2025 жылмен салыстырғанда өзгеріссіз;

- ең төменгі зейнетақы – 69 049 теңге (2025 жылы 62 771 теңге);

- ең төменгі мемлекеттік базалық зейнетақы төлемі – 35 596 теңге (2025 жылы 32 360 теңге);

- айлық есептік көрсеткіш (АЕК) – 4 325 теңге (2025 жылы 3932 теңге);

- базалық әлеуметтік төлемдердің мөлшерін есептеу үшін өмір сүру шекті сома – 50 851 теңге (2025 жылы 46 228 теңге).

2026 жылдан бастап айыппұлдар мен утиль алымының мөлшері қанша болады

Депутат ең төменгі жалақы көлемін 120 мың теңгеге дейін көтеруді ұсынды

Сонымен қатар, 2026 жылы жасы бойынша зейнетақылар мен еңбек өтілі үшін төленетін зейнетақы төлемдері 10%-ға көбейеді. Бюджет жобасын талқылау 3 қыркүйекте аяқталады.

Еске салсақ, бұған дейін Ұлттық банк төрағасы Қазақстанда 85 мың теңге ең төменгі жалақыны ешкім алмайтынын мәлімдеген еді.