2025 жылы қай қазақстандық банктер көп пайда тапты?

Фото: Stan.kz

Ұлттық банк 2025 жыл қорытындысы бойынша Қазақстан банктерінің таза пайдасы туралы толық мәлімет ұсынды. Оған сәйкес, өткен жылы Halyk Bank және Kaspi Bank әдеттегідей ең жоғары нәтиже көрсеткен. Ал бір жылдағы ең жоғары өсім исламдық Заман банкте тіркелген. Бұл туралы Stan.kz ақпарат агенттігі хабарлайды. 

Барлық банктің таза пайдасының 66%-ы небәрі үш қаржы ұйымына тиесілі. Осылайша, Halyk Bank-тің таза пайдасы бір жылда 15,6% өсіп, 976,8 миллиард теңгеге жеткен. Бұл барлық банктің табысының 36%-ы. Kaspi Bank 7,6% өсім көрсетіп, 571,5 миллиард теңге пайда тапты. Ал Банк ЦентрКредиттің таза пайдасы 23% өсіп, 240,1 миллиард теңге болды.

Forte таза пайдасын 14% (182,2 миллиард теңге) арттырса, Otbasy 5,5% (127,4 миллиард теңге) өсті. Bank RBK 13,4% көтеріліп, 64,1 миллиард теңге таза пайда тапты.

Home Credit банктің таза пайдасы 24% өсіп, 43,4 миллиард теңге болды. ВТБ Bank 11% өсіп, 45,5 миллиард теңге, ал Altyn Bank 2% жоғарылап, 40 миллиард теңге пайда тапты.

Кейбір Қытай қаржы институттары да жақсы нәтиже көрсетті. Қытайдың Өнеркәсіптік және коммерциялық банкінің пайдасы 39% (28,9 миллиард теңгеге дейін) өсті. Ал Қытай банкінің еншілес компанияларының пайдасы 16% (26,4 миллиард теңгеге дейін) артты.

Исламдық ADCB банкінің пайдасы екі есеге жуық өсіп, 6,3 миллиард теңгеге жетті.Нұрбанктің таза пайдасы өткен жылмен салыстырғанда іс жүзінде өзгеріссіз қалып, 13,2 миллиард теңгеге дейін аздап төмендеді.

Bereke Ban ең жоғары өсу қарқынын көрсетіп, таза пайдасы бес есеге өсіп, 59,5 миллиард теңгеге жетті. Исламдық Заман банкінде де рекордтық пайда өсімі тіркеліп, 21,5 есеге өсіп, 4,4 миллиард теңгеге көтерілді. 

Жаңа банктер қанша пайда тапты?

Нарыққа жаңадан кірген кореялық BNK банкі 2025 жылды 2,5 миллиард теңге шығынмен жапты. Бұл өткен жылы шығынға ұшыраған жалғыз банк. Ұлттық банк оның қаржы көрсеткіштерін 2025 жылдың шілдесінен бастап есепке алып келеді. 

Тағы бір жаңа банк KMF 5,7 миллиард теңге пайда тапты. Оның деректері қыркүйек айынан бастап есептелген.

Айта кетейік, бұл екі банк бұрын микрокаржы ұйымы болып жұмыс істеп, кейін банк мәртебесін алған.

Пайдасы азайған банктер

Alatau City Bank (бұрынғы Jusan Bank) таза пайдасын 7,6% азайтып, 144,7 миллиард теңгемен жапты. Еуразиялық банк пайдасы 82% төмендеп, 16,4 миллиард теңге болды. Freedom Bank көрсеткіші 76% азайып, 12,1 миллиард теңгеге  жетті. 

Citibank Kazakhstan таза пайдасы 20,7% төмендеп, 78,1 миллиард теңге, Шинхан банк Қазақстан 42% төмендеп, 20,6 миллиард теңге, ал исламдық Зираат Интернешнл банк 27 төмендеп, 18,3 миллиард теңге болды.

Жалпы алғанда, 2025 жылдың соңына қарай қазақстандық банктердің жиынтық таза пайдасы 6,7% өсіп, 2,7 триллион теңге болды. Бөлшек сауда несиелендіру ережелері мен пруденциалдық стандарттарды қатайту аясында өсу қарқыны 2,5 есеге баяулады (бір жыл бұрын +17% болған).

Активтер, міндеттемелер және капитал

Halyk Bank активтері 13%өсіп, 20,2 триллион теңгеге, міндеттемелер 12,6% өсіп, 16,7 триллион теңгеге, ал меншікті капиталы 14,9% өсіп, 3,5 триллион теңгеге жетті.

Kaspi Bank активтерін 15,8% өсіріп, 9,4 триллион теңгеге жетті, ал міндеттемелер 8,1 триллион теңге (+14,3%) болды. Меншікті капиталы 26% өсіп, 1,29 триллион теңгеге жетті.

Bank CenterCredit активтері 21,9% өсіп, 8,5 триллион теңгеге, міндеттемелері 21,1% өсіп, 7,7 триллион теңгеге, ал меншікті капиталы 29,8% өсіп, 810,5 миллиард теңгеге жетті.

Активтер мен міндеттемелердің ең айтарлықтай өсуі TПБ Қытай (сәйкесінше 44,1%, 632,4 миллиард теңгеге дейін және 46,2%, 525,8 миллиард теңгеге дейін), Altyn Bank (32,9%, 1,33 триллион теңгеге дейін және 35%1,16 триллион теңгеге дейін) банктерінде тіркелді.

Капитал ең көп өскені  ForteBank (40,3% өсіп, 787,8 миллиард теңге), Заман Банк (+34,3%, 16,9 миллиард) және Bereke Bank (+31,4%, 234,4 миллиард теңге). Ал Ситибанк өз капиталын 17,8% қысқартып, 91,3 миллиард теңгеге жеткізді.

Еуразиялық банктің активтері 3,7% азайып, 3,02 триллион теңге, міндеттемелері 3,5% төмендеп, 2,63 триллион теңге, ал капиталы 4,8% қысқарып, 392,8 миллиард теңге болды.

Заман Банк активтері 13,5% азайып, 44,9 миллиард теңгеге жетсе, Нұрбанк-тікі 0,4% төмендеп, 458,9 миллиард теңгеге жетті. 

Alatau City Bank міндеттемелері 4,9% азайып, 2,35 триллион теңге, ал Зираат Банктікі 3,6% төмендеп, 189,6 миллиард теңге болды.