2024 жылы ең көп ереже бұзған банктер анықталды
2024 жылы Қазақстанда ең көп ереже бұзған банктер мен микроқаржы ұйымдары анықталды. Бұл туралы Stan.kz ақпарат агенттігі хабарлайды.
Фото: istockphoto.com
Қаржы нарығын реттеу және дамыту агенттігінің мәліметінше, 2024 жылы 835 бұзушылық тіркелсе, оның 91-і, яғни 10,9%-ы банктерде тіркелген. Агенттік еліміздегі әрбір банк кемінде бір рет заң бұзғанын атап өтті.
91 банктік бұзушылықтың сегізіне жасырын сома түрінде айыппұл салынса, 45 бұзушылыққа айыппұл салынбаған. Банктерге 38 рет айыппұл салынып, оның жалпы сомасы 170,8 млн теңгені құрады. 2024 жылы салынған айыппұлдар көлемі бойынша Home Credit Bank көш бастады. Төрт бұзушылық үшін банкке 46,1 млн теңгеге айыппұл салынған.
Агенттіктен жиі ескерту алғандар арасында Bereke Bank және Bank RBK бар. Екеуі де агенттік талаптарын 16 рет бұзған. Осы орайда Bereke Bank 6 айыппұл алып, жалпы сомасы 13,4 млн теңге төлеген. Ал Bank RBK-ға 13 рет айыппұл салынып, оның жалпы сомасы 22,2 млн теңге.
Ең аз заң бұзған банктер Ислам Банкі мен Altyn Bank болды. Екеуі де 2024 жылы агенттіктен тек бір ғана жазбаша ескерту алған.
835 бұзушылықтың 206-сы, яғни 24,7%-ы микроқаржы ұйымдарында анықталған. 143 жағдай бойынша агенттік ескертумен шектелген. Сонымен қатар 11 МҚО-ның лицензиясы тоқтатылса, ал "Взаймы" МҚО-ның лицензиясы мүлдем қайтарылып алынды.