“Осы аулаға келгенде өткен күн еске түседі. Арсен де кішкентай болатын. Екінші қабатта Роза Бағланова тұрды. Тоғызыншы қабатта Мәдина құрбымыз тұрды. 200 шаршы метр үйді өзі жөндеп, талғамына сай безендірген еді. Ол кезде біз де бойдақпыз. Жанында жүреміз. Концерт пен гастрольдерден келген сайын құшағы гүлге толып келетін. Алғаш рет түрлі-түсті теледидарды Мәдина үйіне алған. Үлкен экраны бар теледидардан концерттерін көріп отыратын. Біз қатты таңғалып, мынадай да үлкен экран бола ма деп едік. Қайран, балалық-ай! Оңтүстік Кореядан рояль алып келді. Сол күйі тұр. Бір жері сынып, мұқалмады. Фотосуреттері де ерекше болатын. Қонақ бөлмесіне арналған алты адамдық орындықтарды да шетелден алдырды. Жерде жатқан кілем де сол кезде екінің бірінің үйінен табылмайтын. Одан кейін ыдыс жинайтын сөрені де қатарластарымыздан бірінші болып Мәдина алды. Өте талғампаз болатын. Қазіргі үйлердегі гардероб дегенді осыдан 28 жыл бұрын Мәдина жасап тастаған еді”, – деді құрбысы.

Сондай-ақ марқұмның ұлы Арсен бүгінде ол үйді жалға беріп отырғанын жасырмады.

“Анамның заттарын мұрағатқа өткіздік. Қазір ол үйді жалға беріп отырмыз. Анам бұл пәтерде 3-ақ жыл өмір сүрді. 90 жылдарға дейін қатты қиналды. Тұрмыстың қиындығын көрді. Бірақ мойымады. Енді рахат өмір сүреміз деп жатқанда дүние салды”, – деп толқыды Арсен.

Фото: Бағдарламадан скриншот

Еске салайық, Мәдина Ералиеваның жалғыз ұлы алғаш рет анасының өліміне қатысты құпияны ашқан еді.

Талқылау