18 жастағы Қазақстандық теннисші мансабындағы алғашқы титулына қол жеткізді
Небәрі 18 жастағы теннисші Әмір Омарханов мансабындағы айтулы титулын қанжығасына байлады. Бұл туралы Stan.kz ақпарат агенттігі хабарлайды.
Әмір Омарханов Тунистің Монастир қаласында өткен ITF M15 турнирінде ақтық сынға жолдама алды.
Шешуші бәсекеде отандасымыз Германиялық әлемдік рейтингте өзімен қатар тұрған 824-орындағы Макс Шонхауспен чемпиондық атақты сарапқа салды. Тартысқа толы ойында Әмір қарсыласын 6:3, 3:6, 6:4 есебімен ұтты.
Айта кетейік, Шонхаус – ITF Juniors бойынша әлемнің екінші ракеткасы және өткен аптада Тунистегі ITF M25 санатындағы турнирдің чемпионы атанған.
Осылайша Әмір Омарханов жарыстың жеңімпазы атанып, жекелей додадағы алғашқы титулын еншілеп отыр.
Еміне 1,5 миллиард теңге қажет: Қазақстандық 7 жасар баланың бұлшықеттері әлсізденіп, жүруі қиындаған
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"