Айдың бірінші жартысы жылы болады деп болжануда. Қазақстанның солтүстік жартысында ауа температурасының түнде -3+2°С-тан -8-13°С-қа дейін, күндіз +3+10°С-тан -2+3°С-қа дейін ауытқуы күтіледі. Республиканың солтүстігінде, солтүстік-батысында, шығысында және орталығында екпінді желмен жауын-шашын (көбінесе қар түрінде) бірінші онкүндіктің соңында, жиі айдың екінші жартысында күтіледі.

Қаңтарда минус 35-40°С аяз: Синоптиктер биыл Қазақстанда қыс қандай болатынын айтты

Көктайғақ пен тұман бір ай бойы жиі байқалады. Айдың екінші жартысының ең суық күндерінде термометр бағанасы түнде -17-25°С-қа дейін, күндіз -8-13°С-қа дейін, ал еліміздің шығысында түнде -30°С-қа дейін, күндіз -18°С-қа дейін төмендейді. Қарашаның үшінші онкүндігінде аяздың әлсіреуі күтіледі.

Еліміздің батысы, оңтүстігі мен оңтүстік-шығысында жаңбыр мен жылбысқы қар түрінде жауын-шашын жауады. Ең жылы күндер айдың бірінші жартысында болжанады, күндіз ауа температурасы +10+18°C-қа дейін жоғарылауы мүмкін, алайда қарашаның екінші жартысында температура фоны түнде -5-17°C, күндіз -2-7°C-қа дейін төмендейді. Үшінші онкүндікте күн қайтадан жылынады.

Талқылау