100 отырып-тұру жасатқан: Оқушы мұғалімнің жазасынан кейін көз жұмды
Фото: ndtv.com
Үндістанның Махараштра штатында 12 жастағы мектеп оқушысы мұғалімнің жазасынан кейін көз жұмды. Ол сабаққа 10 минут кешіккені үшін 100 отырып-тұру жасаған. Бұл туралы Stan.kz ақпарат агенттігі NDTV басылымына сілтеме жасап хабарлайды.
Қайғылы оқиға 14 қарашада, Үндістанда Балаларды қорғау күні атап өтілетін күні болған. Бұл күні мектептерде оқушыларға ерекше қамқорлық таныту дәстүрге айналған.
Алтыншы сынып оқушысы Каджал Гонд жазаны орындағаннан кейін-ақ беліне қатты ауырсыну кіргенін айтқан. Қыз үйіне қайтып келген соң жағдайы күрт нашарлай бастаған. Оны алдымен жергілікті ауруханаға, кейін Мумбайдағы арнайы клиникаға жеткізгенімен, дәрігерлер оның өмірін сақтап қала алмады.
Каджалдың отбасының айтуынша, ол жаттығуды орындап жатқан кезде арқасында ауыр мектеп сөмкесі болған, бұл ауырсынуды одан сайын күшейткен.
Оқиға ата-аналар мен жергілікті тұрғындардың ашу-ызасын тудырды. Белсенділер кінәлілерге қатысты қылмыстық іс қозғауды талап етті.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді