"Інімнің дәрісіне ақша таппадым": Дариға Бадықова өміріндегі өкінішін айтты

Танымал актриса, продюсер Дариға Бадықова өміріндегі өкінішін айтып, көңілі босады. Қанша уақыт өтсе де әлі күнге дейін кеудесін тырнайтынын жасырмады. Бұл туралы “Біздің подкаст” жобасында айтып берді. 

Фото: https://www.instagram.com/ochooou_official/

Өнер иесі кезінде туған інісіне көмектесе алмағаны үшін қатты өкінетінін жеткізді. Сонымен қатар актриса қандай іс үшін адамды кешіре алмайтынын айтты. 

"Өмірімдегі ең үлкен өкінішім туған ініме байланысты болды. Бір дәрі керек болды. Сол дәріні салу керек кезде ақша таппай қалдым. Соған қатты өкінемін. Сол өкініш әлі де ішімде, кетпеді. Сол дүние мені қазір шабыттандырып тұрған сияқты. Сол нәрсе үшін мен алға ұмтыламын. Мен негізі бәрін тез кешіре саламын, қолымда барымды бере саламын. Аңқаумын. Кешірмейтін нәрселерім бар. Бір зат үшін кешіре алмайтын едім. Оны көрерменге айтуға дайын емеспін", – деді актриса. 

• "Өзіңді ғана жақсы көр": Гүлзира Айдарбекова ажырасулар көп болмас үшін әйелдер еркектерден сескенуі керегін айтты

• "Әділетсіздік жасадым": Ресейлік әнші Алсу бес жыл бұрын Ержан Максимді жүлдеден тайдырғанын мойындады

Сонымен қатар актриса өнердегі әріптесі Олжас Абаймен подкаст барысында еркін сырласып, ел білмейтін жайттарды ақтарды. Актриса әріптесіне өзімен жұмыс істеудің кемшіліктері туралы сұрақ қойды.

"Сенің көңіліңе тиіп қалады. Сен өте сезімтал адамсың. Сенімен жұмыс істеген қауіпті, кейде ыңғайсыз. Бірақ маған қолайлы. Себебі менің мінезім ондайды көтереді. Сен кәсібилігіңе сеніп, бостау қарап жатасың рөлге. Маған сол ұнамайды. Көп уайымдайсың. Болмайтын немесе өтіп кеткен дүниеге көп уайымдайсың. Рөл сомдауға келгенде сол уайымның барлығы көзіңнен көрініп тұрады", – деді актер. 

Еске салайық, өнер иелері ішкілік туралы әңгіме-дүкен құрғандарын жазған едік.