Зинедин Зидан «Реал» клубының бас бапкері болды
Зинедин Зидан испандық «Реал» футбол клубының бас бапкері болып тағайындалды.
Бұл туралы мадридтік клубтың президенті Флорентино Перес осыған орай арнайы ұйымдастырылған баспасөз мәслихатында мәлім етті.
Француз бұл лауазымда бұдан бұрын жұмыстан босатылған Рафаэль Бенитестің орнын алмастырды, деп хабарлайды ТАСС.
Зидан « FIFA тұжырымы бойынша әлемнің үздік футболшысы» атағымен үш рет марапатталған (1998, 2000, 2003). Франция құрамасы сапында ойнаған ол 1998 жылы әлем чемпионы және 2000 жылы Еуропа чемпионы атанды.
Талқылау