Жаманқұловтың жұбайы: Тұңғышбайды куәгер ретінде шақырған болатын

Бейсенбі, 3 Қараша , 2016 11:32

Танымал актер, продюсер Тұңғышбай Жаманқұловтың жұбайы – Дария Әбдумәлікқызы жолдасының қаражат жымқыруы мүмкін дегенге сенбейді.

20161103112751

Оның айтуынша, Жаманқұлов осы фактіге қатысты куәгер ретінде шақырылған болатын, деп хабарлайды ҚазАқпарат тілшісі.

«Маған ештеңе айтпай тұрыңызшы деді. Маған айтуға болмайды деп жатыр. Мен өзім кеше естідім. Тұңғышбайды алдымен куәгер ретінде шақырған болатын. Дерек-дәйек аламыз деді. Содан кейін алып қалды. Ары қарай не болғанын өзім де білмеймін. Мен қазір шынымен ештеңе айта алмаймын, ол басында тек куәгер ретінде шақырылған. Басқа жаңалық болса өзім де xабарламасын ғой», – деді Дария Әбдумәлікқызы ҚазАқпарат тілшісіне телефон арқылы.

Оның айтуынша, қазіргі кезде Тұңғышбай Жаманқұловтың телефондары қосулы тұр. Алайда оның барлығын құқық қорғау органдары тәркілеп алған. “Маған бірдеңе айтсаң, іс насырға шабуы мүмкін деді. Сәл күте тұрайықшы. Мені тыңдап жатыр. Дәл қазір ештеңе айта алмаймын”, – дейді ол.

Еске сала кетейік, Ұлттық сыбайлас жемқорлыққа қарсы іс-әрекет бюросының мәліметіне сәйкес, «Феникс» көркем фильмін түсіруге арналған 79 млн теңге көлеміндегі бюджет қаражаты «Т.К.TURAN UNIVERSAL BUSINESS» ЖШС есеп-шотына аударылып, сол арқылы 69 млн. теңгесі ұрланғаны айтылған еді.

Ал аталған фирманың құрылтайшысы – картинаның бас  продюсері Тұңғышбай Жаманқұлов. Ғаламтордан алынған кәсіпорынның төлқұжатына сәйкес,«Т.К.TURAN UNIVERSAL BUSINESS» ЖШС Алматы қаласының Алмалы ауданында орналасқан. Фирманың айналысатын саласы “көтерме және бөлшек сауда, автомобильдер мен мотоциклдерді жөндеу” деп көрсетілген.

Қарашаның 2-сі күні бюджет қаржысын жымқырды деген күдікпен Тұңғышбай Жаманқұлов ұсталды. Сондай-ақ  сот санкциясымен «Қазақфильм» АҚ-ның экономика және қаржы басқарушы директоры Г. Ысқақова мен атқарушы продюсер Н. Юдина тұтқындалды.

Жіберіп алмаңыз:

Қанат Ислам жекпе-жектен соң екі қолының қандай күйге түскенін көрсетті (фото)

Үйден гөрі вокзал артық: Бозбала өгей әкесінен қысым көріп қаңғырып кеткен

Forbes әлемдегі ең бай әншілердің тізімін жасады

“Халал” алкоголь мұсылмандардың жағасын ұстатты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Пікір қалдыру


wpDiscuz
Орташа айырбас бағамы
07.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар