Соңғы жаңалықтар
Соңғы жаңалықтар

Уақытша тіркеу туралы пайдалы кеңестер

Ақпарат және коммуникация министрлігі «электрондық үкімет» веб-порталында пилоттық режимде азаматтарды уақытша тіркеу қызметін іске қосты.

Closeup of register key in a modern keyboard.

 Бұл туралы министр Дәурен Абаев әлеуметтік желілердегі өзінің парақшасында мәлім етті, деп  хабарлайды  BNews.kz.

«Достар, министрлік айтқан мерзімнен екі апта бұрын «электрондық үкімет» веб-порталында азаматтарды уақытша тіркеу қызметі пилоттық режимде іске қосылды.

Әзірше тестілік жұмыстар жүріп жатқандықтан, тіркеу қызметінде кейбір кідірістер болуы мүмкін. Бұл мәселеге түсіністікпен қарауға шақырамыз.

Осы аптаның соңына дейін аталған қызметке мониторинг жүргізіліп, қажет болған жағдайда жетілдіру жұмыстары жүргізіледі»,-деп хабарлады Абаев.

Ол қызметті пайдалану үшін, тұрғын үй  иесі мен онда тіркелу ниетін білдірген азаматта электрондық цифрлық қолтаңба (ЭЦҚ) болуы және  порталда авторизациядан  өтуі қажет.

Қызметтің өзі «Азаматтық, миграция және иммиграция» бөлімінде, «Халықты тіркеу және тіркеу есебінен алып тастау» қосымша парағында қолжетімді.

«Онлайн қызметіне тапсырыс беру» түймешігін басқаннан кейін, өтініш беруші ұсынылған нысанды толтырады,  онда тіркелуге ниетті тұрғын үйдің меншік иесі болып табылатынын/табылмайтынын көрсетуі тиіс.

Егер де өтініш беруші – жылжымайтын мүлік иесі болса, ол мекенжайды, тіркелу мерзімін (1 айдан 12 айға дейін) көрсетуі тиіс, сонан соң онлайн түрде  көрсетілген қызмет  үшін мемлекеттік бажды төлеп және   ЭЦҚ өтінімге қол қоюы тиіс.

Тұрғын үйдің меншік иесі үшінші тарап болған жағдайда, өтініш беруші меншік иесінің ЖСН-ын, жылжымайтын мүліктің мекенжайын, уақытша тіркелудің мерзімін көрсетуі және меншік иесінің жеке кабинетіне келіп түсетін  сұрау салуды жіберуі қажет. Егер де тұрғын үйдің бірнеше меншік иесі болса, олардың біреуінің ғана деректерін көрсету жеткілікті, қалғандары жүйемен  ҚР «Жылжымайтын мүлік тіркелімі» мемлекеттік деректер қоры арқылы автоматты түрде анықталатын болады. Меншік иесі (біреу немесе бірнешеуі) өзінің келісімін ЭЦҚ арқылы растайды, одан соң өтінім тіркелуге ниетті азаматтың Жеке кабинетіне оралып келеді. Оған мемлекеттік баж төлемін  онлайн түрде жүргізіп және де  өзінің сұрау салуына  ЭЦҚ қол қоюы қажет.

Осыдан кейін,  өтінім ҚР ІІМ жүйесіне түседі, оның өңделуіне
10 минуттан аса емес уақыт кетеді. Өңделіп болған соң,  порталда «Уақытша мекенжайдың тіркелуі сәтті түрде өтті» деген мәребе көрсетіледі. Мекенжай анықтамасын ала отырып,  уақытша тіркелу мекенжайын тексеруге  болады.

eGov.kz порталында уақытша тіркелу қызметі арқылы балаларды тіркеуге болмайтынын атап өтеміз. Оларды тіркеу үшін «Азаматтарға арналған  үкімет» (ХҚКО) мемлекеттік корпорациясының бөлімдеріне жүгіну қажет.

eGov.kz немесе ХҚКО арқылы уақытша тіркелу жөніндегі барлық сұрақтар бойынша азаматтар тегін тәулік бойы жұмыс істейтін Бірыңғай байланыс орталығының 1414 нөміріне қоңырау шала  алады . Барынша сапалы және жылдам қызмет көрсетуді қамтамасыз ету  мақсатында, Бірыңғай байланыс орталығында ағымдағы жылдың басынан бері операторлар саны көбейтіліп, олардың  жұмыс кестесі қайта қаралды.

Сондай-ақ, порталдағы видеороликте қалай тіркелу керектігі көрсетілген.
Жіберіп алмаңыз:
Талқылау