Статистика агенттігінің бұрынғы басшысы бостандыққа шықты
Жемқорлық үшін сотталған Қазақстанның статистика агенттігінің бұрынғы басшысы Анар Мешімбаева бостандыққа шықты. Ол түрмеде 5 жыл отырып шықты.
Бұл туралы Sputnik Қазақстан хабарлады.
Мешімбаеваның туыстарының айтуынша, ол бостандыққа 5 ақпанда шыққан. Агенттіктің бұрынғы басшысы жазасын бес жыл өтеді.
“Ол өз жазасын толық өтеді”, — деді телефон арқылы туысы.
Анар Мешімбаева 2014 жылы 14 ақпанда сотталды. Сот экс-шенеунікті бюджет қаражатын жымқырды және қызметтік өкілеттігін асыра пайдаланды деп айыптап, 7 жылға бас бостандығынан айырды. Мүлкі мәркіленіп, жазасын жалпы тәртіптегі колонияда өтеді.
Сондай-ақ Мешімбаева бес жылға дейін мемлекеттік қызметте еңбек ету құқығынан айырылды. Жазаны өтеу мерзімі 2013 жылдың 6 ақпанынан бастап есептеледі.
Тағы оқыңыз:
Алматы облысында қабаған иттер 7 жасар баланы талап тастады
БҚО-да көпбалалы отбасы 18 жылдан бері мемлекеттен үй ала аламай жүр (видео)
Алматылық жігіт Атырауда жезөкшелер үйін ашқан
Алматыда 23 жастағы әйел дәрігерге кетіп, үйіне оралмаған
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
