Шымкентте мұнай базасында өртеніп кеткен жұмысшының отбасына өтемақы төленетін болды
Ал Шымкенттегі мұнай базасында өртеніп кеткен жұмысшының отбасына миллион теңге өтемақы төленетін болды,-деп жазды КТК арнасы.
Бұдан өзге марқұм Төрехан Лесбаевтың отбасына «Шымкент мұнай өнімдері» компаниясы 40 күндік садақасына деп 200 мыңдай қаржы бермек. Сонымен қатар, сақтандыру бойынша түсетін қаржыны аударып, марқұмның туыстарының бірі жұмысқа алынуы тиіс.
Адам өмірін жалмаған өрт Шымкенттегі мұнай базасынан маусымның 23-ші күні таңғы сағат 8-дер шамасында шыққан болатын. Мың жарым тонна АИ-92 маркалы бензині сақтаулы резервуардан шыққан қызыл жалынды ауыздықтауға Шымкент пен жақын маңдағы аудандардың өрт сөндірушілері жұмылдырылды.
Сонда да, алапат өрт тек бір тәуліктен соң ғана өшірілді. Осы оқиғаға байланысты құрылған арнайы комиссия қазір өрттің нақты себептері мен келген шығын көлемін анықтап жатыр.
Оқи отырыңыз:
Павлодарда жақында ғана бір адам көз жұмған дәмхана маңында тағы төбелес болды (видео)
Өскеменде полицейлер көшедегі қызға жыныс мүшесін көрсеткен ер адамды босата салды
Сарапшы: Шындығында емші бала Ербосынның адамдарды емдей алатын қасиеті жоқ