Петропавлдағы атыс: Аяғынан айырылған спортшының ісіне қатысты айыпталғандарға сот үкімі шықты

Қызылжардағы атыс оқиғасына нүкте қойылды. Жанжалдың кесірінен аяғынан айырылған спортшы Ербол Хамитовтың ісіне қатысты айыпталғандарға сот үкім кесті. Жәбірленушіге оқ жаудырды деп сотқа тартылған 5 азаматтың төртеуі бас бостандығынан айырылды. Ал, біреуінің бас бостандығы шектелді.

Петропавлдағы атыс: Аяғынан айырылған спортшының ісіне қатысты айыпталғандарға сот үкімі шықты

Бұл туралы Астана арнасы хабарлайды.

«Қазақстан Республикасы Қылмыстық Кодексіне сәйкес Абдулов 5 жылға, Оразов 6 жылға, Оразаев пен Мұқышев 3 жыл 3 айға бас бостандығынан айырылсын. Оразов кәмелеттік жасқа толмағандықтан, жазасын жасөспірімдерге арналған колонияда өтейтін болады. Ал Сүлейменовке 3 жылға дейін бас бостандығын шектеу жазасы тағайындалды», – дейді СҚО қылмыстық істер бойынша мамандандырылған ауданаралық сотының судьясы Дастан Исмаилов.

Еске салайық, былтыр шілде айында қаруланған бір топ жігіт Ербол Хамитовке оқ жаудырып, соққыға жыққан. Артынша ізін суытады. Ауыр жарақат салдарынан дәрігерлер 20 жастағы жігіттің аяғын кесуге мәжбүр болды. Бұзақылар көп ұзамай ұсталды. Іс материалдарына сай, айыпталушылардың көлігінен пышақ, ағаш таяқтар, травматикалық тапанша мен шолақ мылтық табылған. Тергеу мен сараптама  үшін сотталушылар мемлекетке 2 миллион теңге, моральдық өтемақы ретінде жәбірленушіге 4 миллионнан астам теңге төлеуге міндеттелді.  Ербол Хамитовтың туыстары  үкіммен келіспейді. Мүгедек болып қалған жігіт биомеханикалық протез орнатуды жоспарлап, сотталғандардан 10 миллион талап еткен.

«Балам спортпен шұғылданғысы келеді. Ал бізге беретін қаражат жақсы протезге жетпейді. Соттың айыпталушыларға берген мерзімі де көңілімізден шықпай отыр. Үкімді тым жұмсартып жіберген көрінеді. Мен бұл шешімді апелляцияға беремін», – дейді жәбірленушінің анасы Ғалия Алпысбаева.

Оқи отырыңыз:

Қазақстанда қылмыс жиі жасалатын криминалды аймақтар белгілі болды 

Сәуір айының басында жоғалып кеткен алматылық қыз байланысқа шықты

Қазақстанның үш өңірінде дауылды ескерту жарияланды

Оңтүстік Қазақстандағы отбасылар еліміздің солтүстік өңіріне көшуге дайындалуда

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
21.08.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар