Петропавлда автобусқа отырған әйел адам көз жұмды
Жолаушыға алғашқы көмек көрсетілгенімен, әйелдің өміріне араша бола алмады.
Петропавлдағы бағдарлы автобус ішінде әйел адам қайтыс болды, деп хабарлайды Sputnik Қазақстан.
Әлеуметтік желіде оқиға куәгерлері хабарлағандай, әйел адам сәрсенбі күні №27 бағдарлы автобуста болған.
“Жағдайы күрт нашарлап кетті, жүргізуші бірден ауруханаға алып барғанымен, шамамен 40-тардағы әйелді құтқаруға мүмкіндік болмады”, — дейді оқиға куәгерлері.
Әйел адамның құжаттары болмағандықтан, кім екені бірден анықталмаған.
Солтүстік Қазақстан облысы ішкі істер департаменті баспасөз қызметі болған оқиғаны растады.
“Әйелдің кім екені сол күні анықталып, туған-туыстарына хабар берілді”, — деп мәлімет берді ведомство баспасөз қызметінің өкілі Динара Сағындықова.
Тағы да оқыңыз:
52 адам көз жұмды: Ақтөбе облысында автобус өртеніп кетті
Алматылық бизнесмен Дубай мен Монакода “ағашкаларға” қызмет ететін қазақ қыздары туралы айтты
Депутат министрге: Қазақстандағы бетон қапталған тасжолдарда жол апаты көп болады