Пьер Карденнің моделі «Семей аруы» атанды (фото)
«Семей аруы-2017» сұлулық байқауында 18 жастағы Динара Баймұратова жеңіске жетті.
Бұл туралы Instagram-дағы ресми парақшасында хабарланды.
Семей аруы атанған Динара Баймұратова 18 жаста. Енді ол Астанада өтетін «Қазақстан аруы – 2017» байқауында өз қаласының намысын қорғайтын болады.
Семейдегі арулар байқауында Динара финалға өткен тоғыз қыздың бірі болды.
«Алғаш рет «Miss Semey – 2017» конкурсында қазылар алқасының құрамында болдым. Қыздардың бәрі бірінен өткен сұлу. Жеңімпазды анықтау қиын болды, бірақ ұзақ талқылаудан кейін бір үміткерді таңдадық – Динара Баймұратова «Семей аруы-2017» атанды. Бірінші вице-мисс – Мөлдір Сейітқазина, екінші вице-мисс – Дамира Бадриттенова, үшінші вице-мисс Диана Әділбекова болды», – деп жазды «Қазақстан-Семей» телеарнасының директоры Арсен Бектасов әлеуметтік желідегі парақшасына.
Еске салайық, 2016 жылы Динара Мәскеуде өткен Жоғары сән апталығына қатысып, Пьер Карден топтамаларын көрсететін 20 үздік модельдің қатарына енді. Сондай-ақ ол бұған дейін Miss Kazakh Beauty-2016, Young Miss Semey-2016, Miss Asian Beauty-2016 титулдарын иеленген.
Жіберіп алмаңыз:
Әріптестері татуласқан Нұрлан мен Мұқасан үшін ерекше қуанды
Қарындастары Төреғалидың отбасылық өмірде қатал жан екенін айтты
Мақпал Жүнісова Мирас пен Құралайдың қателіктерін бетіне басты
"Пасханы да, Ораза айтты да бірге тойламыз": Қазақстандық ару көпұлтты отбасындағы татулық пен ерекше дәстүрлері туралы айтты
