Павлодарда ішінде жолаушылары бар автобус өртеніп кетті

Павлодар қаласында жолаушылар автобусынан өрт шықты. Бұл туралы ҚазАқпарат ҚР ІІМ ТЖК ресми өкілі Руслан Иманқұловқа сілтеме жасап хабарлайды.

«Бүгін сағат 13:33 шамасында Павлодардағы №22 бағытындағы автобустың қозғалтқышынан өрт шықты. Өрт сөндіру қызметі келгенге дейін қоғамдық көліктен 10 адам қауіпсіз жерге шығып үлгерген.

Өрт 13:47-те сөндіріліп, 14:03-де толығымен ауыздықталды. Оқиғадан зардап шеккендер жоқ», – деді Руслан Иманқұлов.

Руслан Иманқұловтың сөзінше, автобус өртін сөндіруге Павлодар облысы өрт сөндіру қызметі жеке құрамының 11 адамы мен 2 техникасы жұмылдырылған.

Оқи отырыңыз:

Алматы орталығында қымбат көлік отқа оранды (видео)

Атырауда әкесімен сөзге келіп қалған ер адам өзін өртеп жіберді

Мақпал Жүнісова: Есікті аш, мен сені зорлаймын дегенге дейін барды

“Қоңыр” тобының бұрынғы әншісі: Жұрт ойлағандай опық жеп қалған жоқпын