Соңғы жаңалықтар
Соңғы жаңалықтар

Паралимпиада чемпионы атанған Зульфия Габидуллинаға үй салып берді

2016 жылдың 7-8 қыркүйек аралығында Бразилияның Рио-де-Жанейро қаласында өткен XV жазғы Паралимпиадалық ойындарында 100 метр қашықтыққа еркін жүзуден әлем рекордын жаңартып, ел тариxында тұңғыш рет Паралимпиада чемпионы атанған Зульфия Габидуллинаға облыс басшылығы мен «Бином» ЖШС-ы демеушілік жасап, жер үй салып берді.

32751-212-zulfiyany_armany_ory_ru

Чемпионның жаңа үйі Айша бибі көшесі бойынан нақтырақ айтқанда, «Тараз-Арена» спорт кешені маңайынан орын тепкен. Бас-аяғы 20 млн теңге жұмсалған үйде мүмкіндігі шектеулі жанға барлық жағдай жасалған, кең әрі жарық 5 бөлмесі бар, деп жазады Айқын газеті.

Зульфия Габидуллинаның өзі жерін таңдап, жобасын өзі жасаған үй ірі панельді арнайы Германияның теxнологиясымен бой көтерген. Сондай-ақ бөлмелеріне жылы еден де төселген. Тіпті бір бөлмесі жаттығу жасайтын құрылғылармен жаб­дықталған. Жамбыл облысының әкімі Кәрім Көкірекбаев пен Тараз қаласының әкімі Нұржан Календеров спортшыға үйдің кілтін салтанатты түрде табыс етті. Аймақ басшысы чемпионды құттықтап, алдағы уақытта болатын байрақты бәсекелерде жеңіс туын желбірете беруін тіледі.
“Зульфия Габидуллина ел тариxында тұңғыш рет Паралимпиада чемпионы атанып, туған жерге келген кезде жер үйім болса деген арманын айтқан болатын. Ол үйі «Тараз-Арена» спорт кешеніне жақын болса деген ниетін де жеткізген-ді. Міне, бүгін жеңімпазымыздың арманы орындалып, спорт кешенінің тура жанынан баспаналы болды. Мұнымен Зульфияның арман-мақсаты тоқтап қалған жоқ. Алдағы уақытта да Паралимпиада ойындарына қатыссам деген жоспары бар. Ол бәсекеде де топ жаратынына сеніміміз мол”, – деді Кәрім Насбекұлы.

Армандаған баспана­сына қол жеткізген чемпионның өзі мұндай дәрежеге жетуінің сырын армандай білу­мен, сол аласармас арманға жету жолында келеңсіздіктерге мойымай, аянбай еңбек етумен түсіндірді.

“Адамдар армандай білу керек. Түбінде ол арман орындалады. Ол үшін аянбай еңбек ету басты шарт. Мен де армандадым. «Тараз-Арена» спорт кешенінің бассейнін­де жаттығу жасап жүріп, спорт кешеніне таяу жерде өзімнің үйім болса деп қиял­дай­тын­мын. Бүгін сол қиялым іс жүзінде орын­далып, дәл сол жерден үйлі болып отырмын. Ол үшін әрине, облыс басшы­лығына ал­ғысым зор. Бүгінде облысымызда спорт­шы­ларға жақсы жағдай жасалып жатыр. Сондықтан менің жеткен жеңісім” – ортақ жеңіс, баршамыздың жеңісіміз.

“Осын­ша­лықты дәрежеге жетуіме үлкен еңбек етіп жүр­ген жаттықтырушым, ҚР Еңбек сіңірген жат­тықтырушысы Саттар Бейсенбаевқа айтар алғысым шексіз”, – дейді Зульфия Габи­дуллина. Спортпен шұғылданып жүргеніне 25 жыл болған ол бас­паналы болатынын, оның өзі арман­даған жерінен бой көтере­тінін естігенде бастапқыда сенбеген екен.

Жіберіп алмаңыз:

Назым Қызайбай Бауыржан Оспанов салып берген үйін көрсетті (фото)

Қайырымды жандар 9 баланы асырап алған отбасыға үй салып берді

Көріпкел Турсуной Закирова Тәжікстанда жәрдемге мұқтаж жандарға үй салып берді

Талқылау