Қазақ ұлттық-мәдени автономиясы президентінің көмекшісі Зәуреш Асанованың айтуынша, бүгінгі таңда Омбы облысында 100 мыңнан астам қазақ тұрады. Өңірлік қазақ ұлттық мәдени автономиясында сегіз қоғамдық қазақ бірлестігі бар.

“Қымызмұрындық мерекесіне биыл осымен үшінші жыл қатысып отырмыз. Өзімізбен бірге қымыз ала келдік. Біз де өз жерімізде ұйымдастырылатын мерекеге орай алтыбақан құрып, киіз үй тігеміз. Балаларға ана тіліміз бен салт-дәстүрімізді үйретеміз. Ата-енем өмір бойы ұлттық салт-дәстүрді берік ұстанып келген. Келін болып түскеніме 20 жыл болса да бие саууды тоқтатқан емеспін. Тіпті, кейде литрін 600 теңгеден саудаға қоямыз”, – дейді Зәуреш Асанова.

Ресейде жұмыс істей бастаған алғашқы этно-мәдени бірлестіктердің бірі Омбы облысының қазақ ұлттық-мәдени автономиясы 1999 жылы құрылған. Ұйымның жанынан «Омбы қазақтары» атты басылым шығады.

Еске сала кетейік, бүгін қалалық демалыс және мәдениет саябағында өткен халықаралық Қымызмұрындық мерекесіне Ақмола, Қарағанды, Алматы өңірлері мен Ресей, Қырғызстан елдерінің делегациясы қатысуда.

Оқи отырыңыз:

Әйелі өзінің күйеуі мен оның көңілдесін көлігімен соқты

Көпқабатты үйде газ жарылып, бір бөлігі опырылып құлады (видео)

Қазақстандық студент қытайлықтар үшін 5 литр қан тапсырды

Араб Әмірлігі бизнесмені елімізге деген құрметпен қазақстандықтардың 50 мың доллар қарызын кешірді

Талқылау