ОҚО-да көпбалалы отбасы тағы да 5 бала асырап алмақ (фото)

Арыс ауданында ерлі-зайыптылар өздерінің төрт перзенті бола тұра басқа ұлттың балаларын асырап алуға ниет білдірген. Биыл енгізілген жаңа заңға сәйкес панасыз қалған 4-тен 10 балаға дейін қабылдауға Диханбаевтар отбасы алғаш болып үлес қоспақ ниетте.

30f6811310f43f8f4111cb61d25ff475

Осылайша еліміздегі жетімдердің азаюына ықпал жасамақ. Жаңа туыстарын тапқан Габриел, Владимир, Василийдің және Диана мен Айсұлудың құрметіне арнап мұндағы балалар ән салып қуаныштарын білдірді, деп жазады otyrar.kz.

Арыс ауданының тұрғындары Диқанбаев Мұқтарбек пен Қарлығаштың үш қыз, бір ұлы бар. Қыздарын құтты орындарына қондырып, ұлы ер жеткеннен кейін 5 бірдей баланы бауырына басуға ниеттенген. Бір қызығы, балалардың үшеуі ағайынды, орыс ұлтынан. Діні мен тілі бөлек болғанына қарамастан асырап алушы отбасы бұл балаларға өз тегімізді береміз дейді.

usynovlenya-2-640x360

“Мұратбекұлы Василий болады. Осыларды бағып-қағып, үмітін ақтаймын деп сенемін”, – дейді Мұратбек Диқанбаев.

Ал Қарлығаш Диқанбаева 15 жылдан бері осы балалар үйінде тәрбиеші болып жұмыс істейді. Сондықтан балалармен тіл табысуда қиындық болмайды деп сенеді. Қазір ол құжаттарды рәсімдеп жүр. Өйткені балғындар да болашақ өз үйлеріне көшіп келуге асығуда.

usynovlenya-1-640x360

“Мама, қашан құжатымыз дайын болады деп асығып жүр балаларым. Жаңа жиһаздарға тапсырыс беріп қойдым. Балалардың жағдайын жасасам деймін. Отбасы деген не, оның құндылықтары деген ұғымдарды балаларымның бойына сіңірсем деймін. Ертең өскенде ата-анам бар деп келіп тұрады”, – дейді Қарлығаш Диханбаева.

Енді Арыс ауданында панасыз балалар саны бесеуге кемиді. Дегенмен, мұнда әлі 7 ұлттан тұратын 73 бала бар. Әрине бұл мекеменің басқа балалар үйіне қарағанда өзгешеліктері де бар. Олардың әрқайсысы өз отбасы деп бөліп қойған отбасылық икемділікте тәрбиеленеді. Яғни, әр он бала бір шаңырақ болып, тәрбиешісімен бірге өмір сүреді.

“Бұл жерде отбасына икемделген. Бала асырап алу – бұл үлкен қадам, артқа қайтпайтын қадам”, – дейді Тәжібаев атындағы отбасылық балалар үйінің басшысы Меруерт Сүйіндікова.

Жалпы өңірде мұндай отбасылық үлгісіндегі екі ауыл, үш жетімдер үйі бар. Онда панасыз қалған 369 бала тәрбиеленуде. Десе де, балаларды асырап алуға ниет білгендер саны бүгінде көбейіп келеді дейді мамандар. Ал асырап алушыларға мемлекет тарапынан қаржылық қолдау да бар.

Тағы да оқыңыз:

Павлодар облысында отбасы бір күнде бес баланы асырап алды

Бұдан былай тек әңгімелесу немесе құжат тапсыру арқылы тегін оқуға түсуге болады

Тағдырын өзгерткен кездесу: Қайыршы бала өлім аузындағы науқас әйелді қалай құтқарды (фото)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
25.09.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар