Соңғы жаңалықтар
Соңғы жаңалықтар

Бұдан былай тек әңгімелесу немесе құжат тапсыру арқылы тегін оқуға түсуге болады

Бұдан былай тек әңгімелесу немесе құжат тапсыру арқылы тегін білім алуға болады. Білім және Ғылым министрлігі жұмысшы мамандықтарына сұранысты арттыру мақсатында осындай жаңа жобаны бастады.

20161213130404

“Баршаға арналған тегін кәсіптік-техникалық білім” жобасы бойынша өзіңіз таңдаған мамандықтың иесі болып қана қоймай, шәкіртақы да аласыз.  Тіпті алыс ауылдан келсеңіз, жол құныңыз, жатын орныңызға дейін төленеді, деп хабарлайды 31 арна.

І курс студенті Сабина Жолыбаева кондитер мамандығын жаңылмай таңдағанын мақтан тұтады. Ешбір мереке тәтті өнімдерсіз өтпейді, сондықтан кәсібіме деген сұраныстың төмендемейтініне сенімдімін дейді. Бүгін де тіл үйірер тәтті тоқаш – торттарды пісіріп қана емес, әшекейлеудің де тәсілдерін меңгеріпті.

“Болашақта мен үлкен бір кондитерлік ашқым келеді. Қазақстанға келетін адамдар бізге келіп, сүйсініп, тамсанып кетсе деп армандаймын”, – дейді Туризм және қонақжайлылық индустриясы колледжінің студенті Сабина Жолыбаева.

Жаңа оқу жылынан бастап Сабина сияқты ынталы жастардың қатары көбеймек. Енді Қазақстанның мемлекеттік және жеке 817 колледжінде  “Тегін кәсіптік білім” жобасы басталды. Яғни, елімізде кәсіптік -техникалық мамандықтар толықтай тегін оқытылмақ. Оқу мерзімі базалықтар үшін 2 жыл 10 ай, ал қысқа курстар үшін 1 айдан 6 айға дейін.

“Тегін кәсіптік білім беру” жобасына 9 бен 11-сынып оқушылары толықтай қатыса алады. Ал мамандығын ауыстырғысы келген немесе жұмыссыз жүрген қазақстандықтардың да бұл тізімге ілігуге мүмкіндігі бар. Сонымен, 9 және 11 -сынып түлектері кез келген оқу орнына құжат тапсыра алса, бұл санатқа жатпайтын өзге азаматтарға:

1-Жұмыспен қамту орталығына бару керек;

2 – Құжат тапсыру керек;

3 – Тізімге тіркелу керек;

4 – Мамандық таңдау керек;

Айта кету керек, тегін оқу барлық мамандықтарға бірдей жүрмейді. Тек техникалық, технологиялық, ауылшаруашылығы және қызмет көрсету мамандықтарында болады. Ал…

“Білім беру, өнер, медицина мамандықтары бойынша конкрустық өтеді. Ал экономика және құқық мамандықтары бойынша олар ақылы түрде жүргізіледі”, – дейді  ҚР БҒМ техникалық және кәсіптік білім департамент директорының орынбасары Ернат Жүнісов.

Сондай-ақ, бес облыстың шалғай аудандарында мобильді орталықтар ашылады. Яғни, әрбір мамандық бойынша курстық оқытулар жергілікті жерде жүреді. Ал “Тегін кәсіптік білім” жобасы алдағы бес жылда 673 мың адамды қамтуды көздеп отыр.

Тағы да оқыңыз:

Астанада университетте оқуға кімдерге грант берілетіні белгілі болды

Бұдан былай бала туған кезде автоматты түрде балабақша кезегіне қойылады

Тағдырын өзгерткен кездесу: Қайыршы бала өлім аузындағы науқас әйелді қалай құтқарды (фото)

Талқылау