Төлендиев өзін «қыздарға қырындап, құдаларды есекке теңеді» деп айыптағандарға жауап берді (видео)

«Алдараспан» театрының директоры Нұржан Төлендиев танымал актер ғана емес, қаламақысы ең жоғары асабалардың бірі. Алайда осыдан бірнеше ай бұрын оның асабалық қызметіне күмәнмен қарап, айыптаған жандар БАҚ-қа сұхбат беріп, өз ойын жеткізген еді. Мәселенің анық-қанығын анықтау үшін Stan.kz тілшісі актердің өзіне хабарласты. Төлендиев бұл жағдайды жоққа шығарды.

Өзін қаралаған жандарға «Алдараспан» басшысы ренжулі секілді.

«Мен кінәлі емеспін, ақталғым келмейді, халықтың өзі кімнің ақ, кімнің қара екенін шешеді», – деді ол. Актердің әкімшісі Руслан Махажанов мұның алаяқтардың ісі екенін айтты. БАҚ-та ақпарат жарияланғаннан кейін, Төлендиев той иелеріне хабарласып, мән-жайды анықтамақшы болған. Той иелері бұл іске өздерінің қатысы жоқ екенін айтыпты. Анықталғандай, Төлендиевке айып таққан адам аты-жөнін өзгертіп, сұхбат берген.

Махажановтың айтуынша, той иелері: «Біз олай деген жоқпыз, сіздің кімнің қаралағанын білмейміз, сізге қолымыз әрең жеткенде, олай істеп қайтеміз?» – деп айтқан. Одан кейін той иесі мен қонағы Төлендиевтің кінәсіздігін дәлелдеу мақсатында елге видео-үндеу жолдаған.

Естеріңізде болса, әлдебіреулер Төлендиевті қаралап, асабалық қызметіне күмән келтірген болатын. Актерді биші қыздарға қырындап, құдаларды есекке теңеді, одан қалса, тойдың өтуіне бір апта қалғанда қызмет ақысын қымбаттатып жіберді деп айыптаған болатын.

Ал актердің өзі соңғы сөзді халыққа қалдырып отыр.

Жіберіп алмаңыз: 

«Мармелада» тобы: Қайрат Нұртас, біздің Нюшадан еш жеріміз кем емес (видео)

Серік Ибрагимов қалыңдығын ұзатып алды (фото, видео)

Қазақстандық арулардың «Еркек болсаң дәлелде» атты бейнебаяны жұртты шошытты (видео)

Қарақат «Бал-бала» ойыншықтарын қымбатсынатын ата-аналарға қайран қалды