Елбасы “Түнгі студияда” жұмақ туралы тәрбиелік мәні зор әңгіме айтып берді (видео)

Сәрсенбі, 30 Қараша , 2016 0:11

“Түнгі студия” бағдарламасына қонаққа келген Нұрсұлтан Әбішұлы Назарбаев жастарды ата-аналарын құрметтеуге шақырды. Осы орайда, елбасы тәрбиелік мәні зор әңгіме айтып берді.

увкыы

Фото: instagram.com/tungistudiyada/

Бұл туралы Stan.kz хабарлайды.

Нұрсұлтан Әбішұлы Назарбаев “Қазақстан” Ұлттық арнасындағы Түнгі студия бағдарламасына қонаққа келді. Елбасы аталған бағдарлама барысында жастарды ата-ананы қадірлеуге шақырды. Мұнымен қатар, БАҚ-тың қоғамды тәрбиелеуде маңызды рөл атқаратынын айтып өтті.

“Күн сайын 300-400 құжатқа қол қоясың. Әр қол қойған сайын бір мәселені шешіп отырасың. Бұл оңай дүние емес. Ал үйге келгенде теледидарды қосып көрсең, басқаның бәрін ұмытып кетесің. Ми жақсы жаңалық естіп, бір ғанибет күй кешеді. Ақпараттық құралдардың негізгі мақсаты – оқыту, үйрету болса керек. Жаңалықтармен қоса сөздік қорымызға жаңа сөздер қосып отырады. Мысалы, осы жердегі кей хабар жастардың арасындағы махаббат пен адамдар арасындағы қарым-қатынас туралы.

Біз қиын-қыстау заманнан өттік. Тоқсаныншы жылдардың басында жағдай қиын болды. Бұрынғы саясаттың салдарынан жігіт-қыздарымыздың да жағдайы мәз болмады. Бұл тәжірибе өтті, кетті. Сол себепті, үнемі жастардың арасындағы қарым-қатынастың қандай болуы керектігін және үлкенді қалай сыйлау керектігін үйретіп отыруымыз керек”, – дейді Нұрсұлтан Назарбаев.

Бағдарлама жүргізушісі Нұрлан Қоянбаев елбасымыздың сөзін қоштап, арасында жеңіл әзілдерімен аудиторияны күлкіге қарқ қылды. Елбасының өзі де жүргізушінің әзілдерін оң қабылдады. Осы орайда, елбасымыз ата-ананы сыйлау тақырыбына қатысты ой саларлық әңгімесін бөлісті.

“Бір құдайшыл адам жұмаққа барыпты Бір күні сол жерге ет сататын көршісі де келген екен. Сонда әлгі сатушыға “Мен бұл жерге құдайшыл адам болған соң келдім, ал сен мұнда не үшін жүрсің?” деп сұрапты. Жігіт ойланып тұрып “Осы жақта қарт әке-шешем бар. Екеуі де онша жүре алмайды. Тамақтарын өздері іше алмайды. Күнде солардың тамағын ішкізіп, кірін жуып кетуші едім. Сол үшін жұмаққа келген шығармын” деп жауап берген екен. Ойлап қарасаңыздар, бұл әңгіменің тәрбиелік мәні зор. Біз – үлкендерді сыйлап өскен қазақпыз. Қарияларды қазына деп білген елміз. Ананы сүйіп, құрметтеген баламыз. Біз үшін ананың ақ сүтінен қадірлі ешнәрсе жоқ. Өзімнің бармайтын жерім жоқ.

Бұрын қарттар үйінде қазақтың қариялары болмаушы еді. Қазір керісінше қазақ қарияларымыз көбейіп кеткен. Жандарына отырып “Балаларыңыз бар ма?” деп сұрасаң, “Оны қайтесің, қарағым. Айтпай-ақ қояйын” деп жауап қайырады. Сол сәтте бәрі түсінікті дегендей басыңды изеп кете бересің. Ішің қатты ашиды. Ана мен әкеге жасаған жақсылықтарыңыз кейін өздеріңіздің балаларыңыздың алдынан шығатынын ұмытпаңыздар. Оларға жалақыларыңызды бөліп берудің қажеті жоқ, бес минут жандарында отырып, “әкем, анам” дегендеріңіздің өзі – керемет сый. Оларға бұдан артық ешнәрсе керек емес. Сендерге бір айтарым осы”, – дейді елбасы.

Бүгін Назарбаевтың “Түнгі студия” бағдарламасына келетіндігі туралы жарыса жазылды. Бірі мұны әзілге баласа, екіншілері елбасының қарапайымдылығына қайран қалды. Аталған бағдарламаның ұжымы елбасының қонаққа келуін бір жылға жуық уақыт күткен екен.


Жіберіп алмаңыз:

Назарбаев жеңіл қылмыс жасағандарға амнистия беріп жазадан босатуды сұрады

Ұйқыдағы ару синдромы: Бойжеткен 6 ай бойы ұйықтаған (фото)

Бүркіт пен Айша Болат Назарбаевпен бірге тамақтанды

Нұрсұлтан Назарбаев Қазақстанға америкалық демократияны енгізуді негізсіз деп тапты

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

9
Комментариев

Пікір қалдыру


Таным
3 күні 16 сағат кері

Ата-ананы құрметтеу баланың басты міндеті. Елбасымыздың кешегі өсиеті бәрімізді тебірентіп жіберді.

Шырын
3 күні 17 сағат кері

Ата-ананы сыйлап, қастерлеуге арналған бұл әңгіменің расында мәні зор. Жастарымыздың құлағына алтын сырға.

Думан
3 күні 18 сағат кері

Дана да дара сөздер десеңізші. Жастарға үлкен өнегесі бар сөздер.

Сағыныш
3 күні 20 сағат кері

Бағдарлма өте жақсы шықты. Елбасының отбасылық құндылықтар туралы сөзі үлкен өнегелі. Рас қазақта қарттар үйі болмаған, болмай-ақ та қойса екен.

Нағима
3 күні 17 сағат кері

Расында бізге қарттар үйі деген жат ұғым, өкінішке орай қарттар үйі жоқ емес. Балаларсол жаққа апармас бұрын ойланса екен.

эльмира абекенова
4 күні 1 minute кері

Елбасымыз аман болсын кандай даналык создерді айтты жастарға улгі болсын

Амалбек
3 күні 16 сағат кері

Елбасымыздың айтқан кез келген сөзі терең мағыналы. Сол сөздерті тыңдайтын құлақ болса шіркін.

Жулдыз
4 күні 6 сағат кері

Елбасы Нұрсұлтан Назарбаев дені сау болсын! АЛЛАҒА шүкір еліміз тыныш, халкымыз аман болсын…

Бахыт
3 күні 16 сағат кері

Осындай бейбіт елде өмір сүріп жатқанымыз сіздің арқаңыз! Ылайым осылай болғай!

wpDiscuz
Орташа айырбас бағамы
04.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар