Майк Тайсон өзінің ойыншық көшірмесін көрсетті
Атақты боксшы Майк Тайсон Storm Collectibles компаниясы шығарған өзінің ойыншық көшірмесін ғаламторда көрсетті.
Бұл туралы 24.kz хабарлайды.
Былғары қолғап шебері өзінің бірнеше есе кішірейтіліп, пластмассадан құйылған көшірмесіне тамсана тұрып, инстаграмда былай депті: «Бәрекелді! Мыналар мені төбе шаштан табанға дейін айнытпай бейнелеген екен».
Айта кету керек, ғаламтор мен әлеуметтік желілер аса танымал болмаған сонау замандарда дүниеге келсе де, жұдырығы зілдей спортшы ебедейсіз саусақтарымен инстаграмға суреттерін жиі жариялап жүреді.
Талқылау