Қазақстандық жұлдыздар балаларымен мектепке барып, мерекемен құттықтады (фото)
Қазақстандық жұлдыздар балаларымен бірге мектепке барып, ұстаздар мен түлектерді соңғы қоңырау мерекесімен құттықтады. Ал Айгүл Иманбаева баласының шетелге оқуға түскенін айтып, сүйінші сұрады.
Бұл туралы Stan.kz хабарлайды.
Бүгін барша түлектер мен ұстаздар үшін айтулы күн. Бірі алтын ұясының табалдырығын соңғы рет аттаса, енді бірі оқу жылының табысты аяқталғанына қуанған-ды. Олардың осы қуаныштарын қазақстандық жұлдыздар да бөлісіп отыр.
2006 жылы мектеп бітірген Аша Матай барлық түлекті құттықтап, сыныптастарына сәлем жолдады.
“Мектеп бітіргеніме бүгін 10 жыл. Лепсідегі, Үшаралдағы, Атыраудағы, Алматыдағы сыныптастарымды құттықтаймын! Биік шыңдарды бағындыра берейік, аман болайық!” – деп Аша Матай деген сағынышын жеткізді.
Ал, Айгүл Иманбаева ұлы Асылжанды жуырда шетелге шығарып салмақ. Баласы Прагадағы ЖОО-лардың біріне оқуға түскен екен.
“Балапаным, бүгінгі соңғы қоңырауың, мектеп қабырғасынан түлеп ұшқан күнің құтты болсын! Жолың ашық болсын! Мен бойтұмарым Прага қаласындағы Famu кино академиясына “кино режиссер” мамандығы бойынша оқуға түсті. Ақ жол, балам!” – деп Айгүл Иманбаева барша түлекті құттықтады.
Мақпал ханым түлектерді құттықтап қана қоймай, әр ұстазға құшақ-құшақ гүл сыйлаған.
“Ұстаздарға алғыс айтуға келіп қалдық. Барлық ұстазға бас иеміз. Өмірлеріңіз ұзақ болсын, шәкірттеріңіз еңбектеріңізді ақтай берсін”, – деп Мерей қызының сынып жетекшісімен бірге түскен суретін инстаграм парақшасына жүктеген.
Ұлын шетелге оқуға жібермей қойған Жазира Байырбекова да ұстаздар мен оқушыларды айтулы мерекесімен құттықтады.
“Құрметті ұстаздар, оқушылар, түлектер! Бүгінгі мерекелеріңіз құтты болсын. Берген білімдеріңіз еңбектеріңізді ақтасын. Ал алған білімдеріңіз тек бақытқа жетелесін”, – дейді Жазира Байырбекова.
Мұрат Мұтырғановтың 11 айлық ұлы қоңырау сыңғырын естімесе де, цирк студиясындағы сабақтардың қалай өтетінін алғаш рет тамашалаған.
Бұдан өзге де қазақстандық жұлдыздар балаларымен соңғы қоңырауға ілесіп барып, ұстаздар мен түлектерді мерекесімен құттықтап қайтқан.
Оқи отырыңыз:
Эстрада жұлдыздары “Қозы Көрпеш – Баян Сұлу” мерекесіне қатысты ойларымен бөлісті
Валентин күнімен құттықтаған Айқынды тыңдармандары жек көріп кеткен
Жұлдыздар 8 наурызда сүйіктілерінен қандай сыйлық алды (фото)