Қазақстандық шенеуніктердің татуировка салып жұмыс істеуіне рұқсат берілді
Қазақстандық шенеуніктер татуировка салдырып мемлекеттік қызметке баруға рұқсат алды. Бұл ең бастысы шенеунікке моралдық тұрғыдан зиян келтірмесе болды.
Мұндай сұрақты Мейіржан Балтабеков есімді қолданушы көтерген. Ол осы сауалмен ҚР коррупцияға қарсы күрес және мемлекеттік қызмет ісі агенттігінің төрағасы Қайрат Қожамжаровқа сұрақ қойған.
Сауал мен жауап “Ашық диалог” бетінде жарияланды. Қазақстандықты шенеунік денесіндегі татуировка ғана емес, оған қойылатын шектеу қызықтырған.
“Қызметтік міндетін атқару кезінде мемлекеттік қызметкердің сыртқы бейнесі мемлекеттік аппараттың күшеюіне себеп болуы тиіс, сондай-ақ, көпшілік мақұлдаған іскерлік стилге сай келуі керек. “Қазақстан Республикасының мемлекеттік қызмет туралы” заңы бойынша мемлекеттік қызметкер көпшілік мақұлдаған моралдық-этикалық нормаларды сақтауы қажет. Бұл ретте татуировка салдыруға жоғарыда көрсетілген заң талаптарына сай болған жағдайда рұқсат етіледі”, – деп жауап берді Қожамжаров.
Оқи отырыңыз:
Бекболат Тілеухан ұшақ салондарында қазақ әуенінің ойнап тұруын талап етті
АҚШ-тағы президент сайлауында Дональд Трамп жеңіске жетті
ИМ Орталық Азиядан ақша табуға келген гастарбайтерлерді тарта бастады
Қазақ стоматолог тісжегіні пломбасыз емдеу әдісін ойлап тапты