Қазақстандық дзюдаист Риодағы ең әдемі спортшы қыздардың бірі деп танылды (фото)

Рио Олимпиадасының ең әдемі спортшы қыздарын назарларыңызға ұсынамыз.

Бұл туралы “Top-antropos” хабарлайды.

27 жастағы қазақстандық дзюдаист қыз Мариан Ордабаева 63 салмақта ойын көрсетті. Бірінші айналымда Ордабаева қытайлық Ян Юнсядан жеңілді.

«Мен осы жолы үлкен қателік жібердім. Біз екеуміз бұған дейін де үш рет кездескенбіз. Азия ойындарының қосымша уақытында одан жеңілгем. Кейін Азия атынан шыққанда жеңдім. Соңғы Азия чемпионатының жартылай финалында тағы жеңіп кеттім. Ол осыдан кейін жақсы дайындалған», – дейді Ордабаева Хабар арнасына берген сұхбатында.

«Алдағы уақытта демалғым келеді. Мүмкін Қазақстан чемпионатына қатысатын шығармын. Мен қанша уақыттан бері тұрақты күресіп келемін. Аздап демалу керек. Қазір ешнәрсені кесіп айта алмаймын», – дейді спортшы.

Мариан 2012 жылы Vesti.kz оқырмандарының дауыс беруі бойынша ең әдемі қазақстандық спортшы деп танылған. Оның бойы 170 см, салмағы 63 келі.

Ең әдемі спортшы тобында үшінші орынға ресейлік спортшы – Вера Бирюкова шықты. Ол көркем гимнастиканың топтық жаттығуға қатысады. Оның бойы 168 см, салмағы 47 келі.

Екінші орында ресейлік гимнаст, Лондон олимпиадасының чемпионы, үш дүркін әлем чемпионы Әлия Мұстафина тұр. Ұлты татар спортшы қыздың бойы 161 см, салмағы 48 келі.

Рио Олимпиадасының ең әдемі спортшысы деп биіккке секіруші неміс спортшысы Мари-Лоуренс Юнгфляйш танылды. Оның бойы 182 см, салмағы 68 келі.

Жіберіп алмаңыз:

Қазақстандағы танымал адамдардың сұлу қыздары (фото)

Рио-2016: Ең әдемі форма – Қазақстан спортшыларында

Олимпиадада ауыр жарақат алған спортшылар (фото, видео)

Кез келген адамның спортқа қызығушылығын оятатын чемпиондар (фото)