Қазақстандық 17 жастағы мектеп оқушысы танымал Harper’s Bazaar журналының назарына ілікті (фото)
Қостанай облысы, Рудный қаласындағы 17 жастағы мектеп оқушысы Елизавета Батуева бүкіләлемдік Harper’s Bazaar сән басылымының индонезиялық нұсқасының парақшасына ілікті.
Суреттер instagram.com/elizabatueva
Бұл туралы Newtimes.kz хабарлайды.
Қазіргі таңда қыз Джакартада. Онда ол көптеген фотосессияларға әрі онлайн-дүкендер мен әртүрлі басылымдардың көрсетілімдеріне қатысып жатыр.
“Рудныйда тұрамын. Мектепте оқимын, 11 сыныпқа көштім. 15 жасқа толған кезде мен Қостанайдағы сән мектебіне бардым. Курсты аяқтаған соң шетелде карьера жалғастырсам деп ойлана бастадым. Мені агенттік директоры Марина Михайленко да ынталандырды. Маған Алматыда және Ресейде көптеген адамдар көмектесті. Алматыда модель Алена Субботинамен танысып, ол менің агентім болып қазір қызмет етуде. Алғаш рет шетелге 2015 жылы шығып, Сингапурге бардым”, – дейді ол.
Қыздың айтуынша оны ата-анасы қолдап отыр екен. Оның мектептегі сабақ үлгерімі де өте жақсы. Болашақта мейрамхана-қонақ үй бизнесі саласын таңдағысы келеді. Әйтсе де дәл қазіргі сәтте және кейін де осы карьерасын жалғастыруға ниетті.
Harper’s Bazaar – сән, стиль және қоғам туралы жазатын алғаш рет 1876 жылы АҚШ-та шыққан журнал. 1901 жылдан бастап альбом форматында ай сайын шығып келе жатыр. 1913 жылы оны медиамагнат Уильям Рэндольф Херстом сатып алды.
Қазір Harper’s Bazaar әлемнің 29 келіне таралады және ай сайын 3 миллион данамен сатылады. Журнал Қазақстанда 2004 жылдан бері таралып келе жатыр.