Қазақ боксшылары Польшадағы халықаралық турнирде 4 алтын жүлдеге ие болды

Бокстан Польша астанасы Варшавада Феликс Штамм атындағы халықаралық турнир аяқталды. Биыл бұл жарыс 35-ші рет ұйымдастырылды.

kfb.kz

Бұл туралы Vesti.kz хабарлайды.

Варшавадағы бокс бәсекесіне Қазақстаннан 10 боксшы қатысты. Оның 7-і жүлделі орыннан көрінді. 4 алтын 2 күміс 1 қола медаль жеңіп алды.

6 бірдей боксшымыз финалда жұдырықтасты. Алғаш болып шаршы алаңға шыққан Ілияс Сүлейменов (56 кг) иорданиялық боксшы Алуади Мұхамедтіайқын жеңіп, алтын медальды еншіледі. Одан кейін 64 кг-ға дейінгі салмақта Бекдәулет Ибрагимов поляк боксшысы Дамин Дюркачты ұтып, жарыс жеңімпазы атанды.

69 кг салмақта Асланбек Шымбергенов топ жарды. Ол финалда ресейлік боксшы Сергей Собылинскийді жеңіп шықты. Сондай-ақ ауыр салмақтағы (91 кг) боксшымыз Антон Пинчук алтын медаль үшін өткен жекпе-жекте түрікмен Арсланбек Ачиловтан айласын асырды.

Өкінішке қарай, финалда құрама капитаны, екі бірдей Олимпиада ойындарының күміс жүлдегері Әділбек Ниязымбетов ресейлік боксшы Георгий Гушиташвилиге жол беріп, күміс жүлдегер атанды. 75 кг-ға дейінгі салмақта жұдырықтасқан Абай Төлеш те күміс медальды қанағат тұтты. Ол да финалда ресейлік боксшы Глеб Бакшимен жұдырықтасып, есе жіберді.

Қоржынға түскен бір қола медальды аса ауыр салмақтағы боксшымыз Айболды Дәуренұлы иеленді. Ал Жомарт Ержан (49 кг), Азамат Исақұлов (52 кг) пен Берік Әбдірахманов (60 кг) жүлделі орыннан көріне алмады.

Айта кетейік, қазақ боксшылары 8-12 наурыз аралығында Финляндия елінің астанасы Хельсенкидегі халықаралық турнирге қатысты. Онда отандастарымыз 5 алтын 1 күміс медаль жеңіп алған болатын.

Бокстан Қазақстан құрамасы үшін 2018 жылдың басты жарысы – тамыз айында Джакартада (Индонезия) өтетін Азия ойындары. Халықаралық жарыстарда жоғары нәтиже көрсеткен боксшылар осы додада ел намысын қорғайды. Ұлттық құраманың бас жаттықтырушысы Мырзағали Айтжанов айта кеткендей, Азия ойындарына қатысатын боксшылар шілде айында белгілі болады.

Оқи отырыңыз:

Паралимпиада чемпионы атанған қазақстандық спортшы: “Алтынға” көңілім толмай тұр

Қазақстан Паралимпиада ойындарында тұңғыш рет алтын медаль жеңіп алды

Головкин WBN-нің «жылдың ең үздік боксшыны» марапатын алды

Головкиннің Қазақстандағы жекпе-жегі 40 мың орындық футбол алаңында өтуі мүмкін

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
21.09.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар