Қайрат Нұртас: Орысша еркін сөйлеймін. Өйткені, Алматыда 27 жыл тұрдым
Күні кеше желі қолданушылары ресейлік тілшімен еркін сөйлесе алмаған Қайрат Нұртасты сынап тастаған болатын. Алайда әншінің өзі орыс тілін жетік меңгергенін айтып ақталды.
Бұл туралы “Түнгі студия бағдарламасында айтылды.
“Мені көбісі орысша сөйлей алмайды деп ойлайды. 27 жыл бойы Алматы қаласында тұрғанмын. Бірақ, отбасым мен достарым қарапайым болғандықтан, үйде тек қазақша сөйлеп өстік. Десе де, орыс тілінде еркін сөйлей аламын”, – дейді әнші.
Мұнымен қатар, Қайрат Нұртас “Арман” әнін 10 рет орындауға мәжбүр болған жеке шығармашылық кеші туралы айтып берді.
“Алғаш рет Қызылорда қаласында жеке шығармашылық кеш өткізген болатынмын. Жанар есімді әйел адам қоңырау шалып, Спорт кешенінде менің шығармашылық кешімді өткізгілері келетіндерін айтты. “Ұшаққа билет алып береміз және 600 доллар қаламақы ұсынамыз” деді. Сол сәтте жүрегім тоқтап қала жаздады. Оның үстіне өзім қарапайым дәмханада музыкашы болып жұмыс істеп жүрген болатынмын. Анашым да менің айтқандарыма көпке дейін сене алмай жүрді. Ақыры Қызылорда қаласындағы кешімде “Арман” әнін 10 рет айтып, 14 әнмен жеке шығармашылық кешімді өткіздім. Мені ең бірінші қолдап, көтерген Қызылорда облысы болатын”, – дейді әнші.
Жіберіп алмаңыз:
Қайрат Нұртас: Менімен дуэт орындағаны үшін Нюшаға ештеңе төлеген жоқпын
Қайрат Нұртас: Магистр атанғалы өзімді жақсы сезініп жүрмін