Ислам Каримовтың қызы әкесіне не болғанын айтып берді
Бұдан бұрын Өзбекстан президенті Ислам Каримовтің ауруханаға түскенін хабарлаған болатынбыз. Президенттің миына қан құйылған.
Бұл туралы президенттің кіші қызы Лола Каримова-Тилляева өзінің Facebook-тегі парақшасында жазды.
«Өсек-аяңның алдын алу үшін өткен демалыста отбасымызда болған қайғылы жағдай туралы өзім хабарлауды жөн көріп отырмын. Сенбі күні таңертең әкем Ислам Каримовтың миына қан құйылғандықтан, ол ауруханаға жеткізіліп, жансақтау бөліміне жатқызылды. Қазіргі жағдайы бірқалыпты. Дәрігерлер әзірге нақты ештеңе айта алмай отыр. Халықтан түрлі әңгімелерге жол бермей, отбасымызға құрметпен қарауын өтініп сұраймын», – деді Лола Каримова-Тилляева.
Лола Исламқызы Каримова-Тилляева 1978 жылдың 3 шілдесінде Ташкентте дүниеге келген. Дереккөздерге сүйенсек, Лола Каримова Өзбекстан респбуликасының ЮНЕСКО-дағы тұрақты өкілі. Кәсіпкер Тимур Тилляевпен некеде тұратын Каримованың екі қыз, бір ұлы бар.
Айта кетейік, Өзбекстан үкіметі президент Ислам Каримовтың ауруханада жатқанын ресми түрде мәлімдеген еді.
Жіберіп алмаңыз:
Ислам Каримов гейлерді батыс мәдениетінің ең жексұрын құбылысы деп атады
Өзбекстандық шенділер Кәрімовтің резиденциясында жезөкшелермен төсектес болған
Өзбекстанда мемлекеттік қызметкерлерге сиырдың тезегін тергізіп қойды
Алматыда бір топ оралман Өзбекстан азаматтығынан шыға алмай жылап жүр