Илья: Спорттық бәсекеде тоқтата алмағандар, осылайша тосқауыл болғысы келеді

Жұма, 17 Маусым , 2016 17:21

Илья Ильин Қызылорда облысындағы Ақмешітте, дауға айналған допинг мәселесіне қатысты қойған сауалдарға жауап берді.

10501341

Сурет: newskaz.ru 

Бұл туралы журналист Ержан Байтілес Facebook желсінде жариялады.

“Бокстың тілімен айтсақ, бұл белден төмен жасалған соққы болды. Спорт алаңында жеңе алмағасын, осылай лаң салып жатыр. Тұтас Қазақстан халқының қолдауын сезініп отырмыз. Елбасы да ерекше қамқорлығын көрсетуде. Дəл қазір нақты бірдеңе айту қиын. Бірақ Рио Олимпиадасына спортшы ретінде қатыса алмасам, онда бапкер ретінде қатысамын. Менің тұтас командам бар екенін білесіздер. Олар тынымсыз еңбек етіп жатыр. Міне, осы команда елімізге уəде еткен алтын медальдің бəрін əкеледі”, – дейді Илья. 

13466202_897686307025656_4578102582054218757_n

Сурет: facebook.com

Қайғы жұтып, қабырғасы қайысып, қамығып, қапаланып тұрған жоқ чемпион. Əркездегідей қаны қызып, арқасы қозып тұр. Аяқтан шалғандардың əрекетіне шекесінен күліп қарайды. Өйткені өзінің ақ екенін анық біледі. Ал аққа дақ жұқпайды. Бұл Олимпиададан шеттетіп тастасаңдар, келесісіне барып талқанын шығарамын дейді. Тіпті болмаса, өзі секілді толағайларды тəрбиелеп шықпақ.


“Өз басым өмірге өте сергек қараймын. Қазір жасым 28-де ғана. Төрт жылдан кейінгі Олимпиада кезінде де жерге қарап қалмаспын. 
Ең басты айтқым келетіні мынау: мен ешкімді алдаған жоқпын. Осы жетістіктің барлығына маңдай тер, қажырлы еңбегімнің арқасында жеттім. Жаттығу кезінде жанымды аямадым. Мұрнымнан қан кеткенше жаттықтым. Соңғы кездері адам баласының түсіне кірмеген салмақтарды көтеріп жүр едім. Жаттығу кезінде əлемдік рекордты 15 келі салмаққа жаңартып тастағанмын. Екі ғана мүмкіндікпен бүкіл қарсыласымды қапыда қалдыратын жағдайға жеткенмін. Спорттық бəсекеде тоқтата алмағандар, осылайша тосқауыл болғысы келген екен. Мұны да көріп алайық”,- дейді Ерің!

Бір Ильяның орнына онын алып шықса қайтер екен əлгі халықаралық ауыр атлетика федерациясы?! Қысқасы, əлемнің бүкіл темір-терсегін төбесінен аударып тастай салатын біздің батыр барлығына дайын. Қалай болғанда да Қазақстанның қоржынына олжа салмай тоқтамауға бел буған. Елі үшін туған ер осындай-ақ болсын!

Бұған дейін допинг қабылдады деп қазақстандық спортшылар – Светлана Подобедова, Мая Манеза, Илья Ильин, Зульфия Чиншанло күдікке ілінген еді.

Допинг қабылдады деп айыпталған үш зілтемірші спорттан шеттетілуі мүмкін екені хабарланды. Допинг дауына қатысты Подобедова пікірін білдіріп, Ильин халықтан қолдау сұраған болатын.

Ольга Шишигина дау болған допинг нәтижесіне күмәнмен қарайтынын айтқан еді.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

3
Комментариев
  • Жұмбақ жан says:

    Ия олар жала жауып жатыр илья тек алга

  • Елкенов Бирлик says:

    Жарайсын Асыл ЕР!!! ешкашан мойыма,тек алга! биз сени колдаймыз.Олардын жасап отырганы жала деп ойлаймын.

  • Анонимно says:

    жарайсындар жасымандар

Leave a Reply

Your email address will not be published.

Орташа айырбас бағамы
28.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар