Еуро 2016: Футзалдан Қазақстан құрамасы жартылай финалда Испаниядан ұтылды
Биылғы Еуропа чемпионатының дебютанты болған Қазақстан құрамасы жартылай финалда Испания құрамасына есе жіберді.
Сурет vesti.kz сайтынан алынды
Какау баптайтын Қазақстан құрамасы айды аспанға шығарып, Италияны жарыс жолынан ығыстырған еді. Ал Испаниямен финалға берілер жолдаманы сарапқа салған біздің жігіттер 5:3 есебімен ұтылды.
Енді сенбі күні Қазақстан үшінші орын үшін Сербия командасымен кездеседі. Ал чемпиона атану үшін финалда Ресей мен Испания құрамалары кездеседі.
Испания – Қазақстан 5:3 (3:1)
Голдар: Довгань 4 (0:1), Бебе 8 (1:1). Мигелин 17 (2:1), Кампос 18 (3:1), Алекс 27 (4:1), Лео 36 (4:2), Жаманкулов 38 (4:3), Кампос 39 (5:3)
Ойыншылар:
Испания: Пако Седано, Хесус Эрреро, Хуанхо – Ортис, Марио Ривильос, Пола, Рауль Кампос, Хосе Руис, Бебе, Андресито, Рафа Усин, Лин, Алекс, Мигелин.
Қазақстан: Шамро – Лео, Дуглас, Жаманқұлов, Довгань, Сүлейменов, Першин, Кнауб, Гребонос, Пенгрин, Таку, Нұрғожин.