Елімізде әрбір үшінші неке ажырасумен аяқталады

Сейсенбі, 14 Ақпан , 2017 11:22

Елімізде әрбір үшінші неке ажырасумен аяқталады. Әділет министрлігінің мәліметі бойынша былтыр жаңа құрылған 140 мың отбасының 51 мыңы дәм-тұзы жараспай айырылысып кеткен.

29487dd226692ad5e2c42dc3457f977c

Бұл туралы 31 арна хабарлайды.

Мамандар діліміз бен дәстүрімізге жат десек те, “Неке келісім шартына” назар аударатын уақыт жетті -деп санайды. Айтуларынша, ол ажырасқаннан кейін қамқорлықсыз қалатын әйелдерді қорғауға көмектеседі. Құжаттың сотта қандай күші бар екенін Жанар Жолтаева түсініп көрді.

21 жастағы Салтанат Шоланова осы бастан “Неке келісім шартын” ойластырып жүр. Айтуынша, қазір келіншектер үй жиып, тамақ әзірлеп, бала бағумен айналысып жүргенде, ер кісілер білім алып, жұмыс істеп, ақша тауып, мәнсап өсіруге толық қауқарлы. Бұл жайт жұбайлардың жолдары екі бөлініп кеткенде әйелдердің өзін-өзі асырап, қамтамасыз етуіне кедергі болады -дейді.

“Сіздің күйеуіңіз балаңызға алимент төлейді, дұрыс па? Ал сізді кім асырайды? Сіз отбасыға қарадыңыз, белгілі бір жауапкершіліктер болды, сіз де жұмыс жасадыңыз, соның бір өтемі болуы керек”, – дейді тұрғын Салтанат Шоланова.

Салтанаттың сөзін психолог Анна Құдиярова да қоштап отыр. “Неке келісім шарты” ажырасқаннан кейін кімге не тиесілі екенін анықтап алуға мүмкіндік береді. Ал бұл болашақта әйелдерге мүліктік, материалдық қолдаусыз қалмауға кепіл болады -дейді ол.

“Ертең ажырай ма, көңіл-күйі тоқалға кетіп қалды ма, мына жақтағы 4 бала, 5 бала бір адыраң қалғандай ғой. Енді 1 айға 10 мың теңге береді сол. Қалталы, аты шыққан адам. Бірақ ол ана жаққа котеджге, жақсы келіншекпен кетіп жатыр. Сонда көрдіңіз ба, тонның келтесі-ай деген. Бәйбішені қорғайтын ешқандай неке келісімі жоқ болып тұр ғой”, – дейді психолог Анна Құдиярова.

Сүйген жарымен бірге 18 жыл тату-тәтті өмір сүріп жатқан заңгер Жанкелді Сүлейманов неке туралы шартқа отырғандардың бірі. Оның айтуынша, кеңестік заманда жұбайларда бөлісердей мүлік болмаған, сондықтан бұл шарттың да қажеттілігі тумаған. Ал қазір кей дәулетті отбасылырдың ортақ қазынасы жүздеген миллиондарға дейін жетеді, оны заңмен бөлмесек, екі ара даудамай жаға жыртысуға дейін жетеді -дейді ол. Маманның айтуынша, ата-аналар ажырасқанда балалардың ортақ мүлікке құқығы жоқ. Сондықтан ең бірінші кезекте, шартта балалардың сыбағасы бөлек ескерілуі керек. Сондай-ақ қолданыстағы мүліктің барлығы отбасы мүшелеріне тіркелуі керек -деп отыр.

“Зәулім үйде тұрады, 5 көлігі бар, баршылықта өмір сүріп жатады. Ал ажырасуға уақыт таяғанда жылжымайтын мүліктің барлығы әкесінің атында, көліктері компания атында, өзге заттары аға-інілерінің атына аударылып қойған болып шығады. Әйелдің бұл жағдайда ештеңкеге иелік етуге құқығы болмай шығады”, – дейді заңгер Жанкелді Сүлейманов.

Тағы бір айта кетерлігі, зорлықпен, күштеп қол қойдырылып алған, екі тараптың құқықтары тең ескерілмеген “Неке келісім шартының” сотта ешқандай күші болмайды екен.

Жіберіп алмаңыз:

Алматыда сексенге жақындаған ғашықтар үйленіп, тойларын дүркіретіп атап өтті (фото)

Әйелін ұрып-соққан еркектер шетінен түрмеге тоғытылуы мүмкін

Күйеуінің көңілдес әйелге барып жүргенін келіншек Uber қосымшасы арқылы біліп қойды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

10
Комментариев
  • Anonymous says:

    Жаксы айел торге суйрейдй, жаман айел корге суйрейдй деген бар. мунымен еркек кауымын коргап отканым жок. Менйн тусйнйгймде Екй жаска байланысты, Ар кайсысы мусылманмын деген отбасылар оз орнын бйлсе жане ешкандай ажырасу болмайды деп ойлаймын. Таза тура жолда Исламды кабылдаган отбасы болса мундай ангйме козгауда болмас ед.

  • Anonymous says:

    Еркек әйел демей ислами тәрбиеде тәрбиеленген отбасы ешқашан ажыраспайды!

  • Anonymous says:

    Иә, әйелдерді жақтайтын да заң шамалы, себеебі бәрін еркектер ойлап тапқан.

  • Anonymous says:

    Әйел, еркек деп бөлуге болмайды, екі адамға да байланысты. Әйел өз міндетін, еркек өз міндетін орындаса бәрі дұрыс болады.

  • Anonymous says:

    Ажырасу 100% еркектерге байланысты. Нашар еркекті жақсы әйелдер де адам қыла алмайды.

    • Anonymous says:

      Дұрыс, сөзіңізге қосыламын. Ер азамат отбасым десе, ешкимде кедергі болмас. Кезінде күйе-сүйем деген жігіт 1-ақ күнде отбасынан айырылады

  • Anonymous says:

    Жақсы ер азаматтан, есі дұрыс ƏЙЕЛ айырылмайды. Ажырасу 90% еркектің нашар адам болғанына байланысты!

  • Anonymous says:

    Мен колдаймын дурыс

  • Anonymous says:

    Ажырасу себебінің 90 пайызы әйелдердің өзінен болады

    • Anonymous says:

      Ажырасу 100% еркектің нашар адам болуынан шығар деп ойлаймын.

Leave a Reply

Your email address will not be published.

Орташа айырбас бағамы
21.08.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар