“Челси” футболшылары қарағандылық балалар үйінің тәрбиеленушілерімен кездесті (фото, видео)
Қарағандыдағы балалар үйінің тәрбиеленушілері Stamford Bridge стадионына барып, Ағылшын премьер-лигасының чемпиондарымен жүздесті.
Бұл туралы жетім балалар арасында футболдан чемпионат ұйымдастырушы Айнұр Сәлім Фейсбуктегі парақшасында хабарлады.
Кездесу 27 тамыз күні болған.
“Түсініп және сезіну үшін тым болмаса бір мәрте “”Стэмфорд Бридждегі” “Челси” футбол клубының ойынына бару керек. “Шахтер” клубының бас киімін киген біздің жас футболшылар “Челси”-“Эвертон” матчына барды. Футболдың керемет атмосферасын жеткізу қиын. Ол өте биік. Бірақ, олар ойынға барған кезде басты нәрсені білмеген еді. Ойыннан соң бізге қалуды өтінді. Шамалы уақыттан соң әлем футболының жұлдыздары біздің балаларға қарай беттеді. Дәл сол сәтте біздің балалар сезінген сезімді айтып жеткізу қиын. Педро, Давид Луис және басқа да жұлдызды ойыншылар балалармен амандасып, автограф беріп, естелік суретке түсті”, – деп жазады Айнұр.
Балалар үйі мен мектеп-интернат тәрбиеленушілері арасындағы Қазақстан чемпионаты бес жыл бойы өткізіліп келеді. Жас футболшылар “Барселона”, “Милан”, “Бавария”, “Атлетико Мадрид” сынды танымал европалық клубтарға бас сұққан.
Ұйымдастырушыларды футболшылардың қайырымдылыққа ерекше көңіл бөлетіні тәнті еткен.
“Мүмкін бұл клубтың саясаты, мүмкін мәдениет болар. Олардың уақыттарының тығыздығы, өте бәсекеге толы матчтары, тым тығыз күнтізбелеріне қарамастан, балалармен кездесуге, қайырымдылық шараларына уақыт табады”, – дейді Айнұр.
Оқи отырыңыз:
Қазақстандық ауыр атлет Денис Уланов Универсиада «алтынын» ұтып алды
«Монғолияның Лашыны» атанған қазақ балуаны кім?
Түркия спортшысы әлем чемпионы атанған қызға көпшілік алдында ұсыныс жасады
Дмитрий Баландин ел қоржынына Универсиаданың үшінші медалін салды