Қазақ шаңырағына түскен қара нәсілді келін көпшілікті таңғалдырды (видео)
Желіде қара нәсілді келіннің бетін ашып жатқан сәт жарияланды.
Желі қолданушылары Атырауға қара нәсілді келін түсті деп шу болды. Видеодан келіннің беташарын көруге болады. Келінді қазақы дәстүр бойынша екі жеңге алып шықты. Желі қолданушылары келіннің қара нәсілді ұлт екенін көріп таңғалды. Асабаның өзі бұл жайлы әзілдей өтті.
Видео түсініктемесінде тойдың Атырауда өтіп жатқаны жазылған.
“Қара нәсілді ұлттан да келін ала беретін болғанбыз ба? Түсі қара болғанымен жандүниесі ақ шығар”, “Адамды ұлтына, түріне қарап бөлуге болмайды”, “Жүре берсең, көре береді екенсің”, – деп жазды желі қолданушылары таңданысын жасыра алмай.
Бұл видеоның қойылым екені, әлде шын мәнінде болған беташар екені нақты белгісіз.
Stan.kz сайтын Telegram арқылы оқыңыз. Арнамызға жазылыңыз.
Талқылау