Алты жасар америкалық олимпиада чемпионына ұрланған медалін қайтарып берді

Алты жасар америкалық ескек есуден олимпиада чемпионы атанған Джо Якобиге ұрланған алтын медалін қайтарып берді.

Сурет twitter.com/BBCSportshour

Бұл туралы РИА Новости хабарлайды.

Якобидің медалі маусым айының басында ұрланған. Спортшы 1992 жылы Барселона олимпиадасында жеңіп алған алтын медалін Атлантадағы телевизиялық бағдарламаның түсіріліміне бірге алып келген.

Чемпион мейрамханада болған кезде, белгісіз адамдар оның көлігінің терезесінен медалді ұрлап кеткен.

Алты жасар қыз медалді отбасымен бірге орманда қыдырып жүрген кезде тауып алған. Қыздың ата-анасы Якобиге табылған медаль туралы хабарлайды. Спортшының өзі медалдің бүлінгенін айтты. Бірақ, осы ұрлық оқиғасын еске салып тұру үшін қайта қалпына келтірмейтінін жеткізді.