Ақмола облысының тұрғыны пәтерін ойынханаға айналдырған
Ақмола облысының Атбасар қаласындағы пәтерлердің бірінен полицейлер 16 ойын автоматын тәркіледі. Тәртіп сақшылары емін-еркін ойын ойнап отырғандардың үстінен түскен. Бұл аппараттардың түрлеріне қарап, олардың елімізге 90-шы жылдары әкелінгенін аңғаруға болады, деп хабарлады КТК.
Келгендер ғаламтор арқылы емес, механикалық түрде кілтпен бұрап құмары қанғанша ойнай береді. Ал үй иесінің бұл құрылғыларды қайдан, қашан алғаны анықталып жатыр. Сондай-ақ, ойынқұмарлардың қашаннан бері пәтерді жағалап, иесіне қанша пайда әкелгені де әзірге белгісіз. Заңсыз ойын кәсібімен айналысқан 28 жастағы азаматтың кінәсі дәлелденсе, ол 4 миллион 810 мың теңге айыппұл төлеуге міндеттелуі немесе 2 жылға дейін бас бостандығынан айырылуы мүмкін.
«Бұлар – өте ескі ойын автоматтары. Көпқабатты үйдің бірінші қабатында болған. Қазір пәтер иесі мен әкімшісі ұсталды. Сотқа дейінгі тергеу жүріп жатыр. Олар енді құмар ойынды заңсыз ұйымдастырғаны үшін жауап береді»,- дейді Атбасар аудандық ІІБ аға жедел уәкілі Азамат Төлеғұнов.
Оқи отырыңыз:
Алматының ауасын ластаған табиғат пайдаланушылары жазаланды
Мүгедек баланы азаптап өлтірді деп айыпталған тәрбиеші кешірім сұрады
Төтенше жағдайлар комитеті кинотеатрларды төменгі қабаттан салуды ұсынды
1 теңге салықтық қарызы үшін депозиттен ақшасын ала алмаған: Қазақстандық әйел банктен қаржы алу кезінде тап болған қиындығын айтты
