Соңғы жаңалықтар
Соңғы жаңалықтар

45 жасында тұрмысқа шыққан Гаухар Әлімбекова жарымен қалай танысқанын айтып берді

Әнші әрі сазгер Гаухар Әлімбекова 45 жасында өзімен құрдас азаматтың етегінен ұстап, тұрмысқа шықты. Алайда әнші бұл жаңалығын көпке дейін жария еткен жоқ. Тек сұрақтың астына алған тілші сауалына берген жауабында жеке өмірінің құпиясын ашты.

Фото: Гаухар Әлімбекованың желідегі парақшасынан

“Еуразия” арнасының “Кешкі кездесу” бағдарламасында Әлімбекова алғаш рет жарымен қалай танысқанын айтып берді, деп хабарлайды Stan.kz.

“Негізі күйеу күткен жоқпын, Құдай өзі жібереді ғой деп жүре бердім. Өлең айтып жүре беріппін, тұрмысқа шығу туралы ой көкейімде болмаған. Осы соңғы 2-3 жылда күте бастадым. Сөйтсем келетін түрі жоқ. Сосын мүмкін мен сұрамай жатқан шығармын деп Құдайдан тіледім, 2-3 жылдан кейін келді”, – деп бастады әңгімесін Гаухар.

Бұдан кейін Әлімбекова ұзақ уақыт бойы күткен жарымен қалай танысып, табысқанын айтып берді.

Фото: “Кешкі кездесу” бағдарламасынан скриншот

“Таныстық, кездестік, сөйлестік. Қазақтың қыздары ұқсап барынша ибалы, инабатты болуға тырысамын деп ойлаймын да, өз-өзімді ұстай алмай қаламын. Әдетім бар, сөйлеп отырамын біреуге тиісіп, қалжыңдап. Сөйлеп отырсам, ол да менің қалжыңыма жауап қайтарып отырды. Бір көргеннен ғашық болу дегенге сенбейтін едім, бірақ өзім бір көргеннен ұнаттым. Жақсы көріп қалдым деп ойлаған жоқпын. Біраз күн өтті, сөйлесіп тұрдық. Кейін ол звондаса қуанатын болдым. Оның да менің ұнататынын сездім. Бірақ сөз айтатын түрі жоқ, сондықтан өзім айтқызғандай болдым”, – дейді әнші.

46 жастағы Әлімбекованың жары өзімен жасты. Бір қызығы, Гаухар жарының бұрын үйленген не үйленбегенін білмейтін болып шықты.

“Ол туралы сұрамаппын. Үйленген болса да, маған бәрібір”, – дейді Гаухар Әлімбекова.

Жіберіп алмаңыз:

Ауыр дертпен күрескен Марлен мен Әнел өз өмірлері жайлы кітап жазбақшы

Жұлдыз Әбдікәрімова желіде сын жазғандарға ұрсып тастады

Қостанайдың ең сұлу аруы анықталды

Димаш Құдайбергеннің әжесіне арнаған тілегі көптің жүрегін елжіретті

 

Талқылау