Жүргізуші мас болған: БҚО-да 7 жасар қыз жол апатынан қаза тапты
Батыс Қазақстан облысында жол апатынан 7 жасар қыз қаза тапты. Бұл туралы Stan.kz ақпарат агенттігі хабарлайды.
БҚО полиция департаменті баспасөз қызметінен түскен мәліметке қарағанда, оқиға 15 маусым күні шамамен сағат 09.00-де болды.
"Жымпиты-Қаратөбе жолының 75-шақырымында 40 жастағы жүргізуші масаң күйде"Лада-2114"автокөлігінің руліне ие бола алмай, аударылған.
"Жол апаты салдарынан 2016 жылғы қыз бала Сырым аудандық орталық ауруханасына жеткізілгенімен, есін жимастан көз жұмды. Жүргізуші дәрігер қарағаннан кейін үйіне жіберілді", деді БҚО ПД Әкімшілік полиция басқармасы бастығының орынбасары, полиция майоры Олжас Ибрайымов.
Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде.
Балалар құсып, іші өтіп жатыр: Қазақстанда инфекция таралып жатыр ма?
Мамандар әзірге ауру жаппай өршіді деуге негіз жоқ екенін айтады
"Шай құймаймын, бір рет те тамақ пісірмедім": Түрікке тұрмысқа шыққан қазақ қызы енесімен қарым-қатынасы туралы айтты
Дина: “Күйеуім Алматыдан үй алуыма көмектесіп, ауырғанда жанымнан табылды”