"Жолға жатқызып, күрекпен ұрған": Ақтаудағы төбелес желіні шулатты
Әлеуметтік желіде Ақтаудағы жол бойындағы жаппай төбелестің видеосы тарап кетті, деп хабарлайды Stan.kz ақпарат агенттігі.
Видеода бірнеше ер адам күрекпен және таяқпен жерде жатқан екі азаматты ұрғаны жазылып қалған. Оқиға тас жолда болған.
Маңғыстау облысы Полиция департаментінің баспасөз қызметі 2021 жылдың 4 қазанында, сағат 16:30 шамасында Ақтау қалалық ІІБ 102 полиция бөлімінің диспетчерлік пунктіне тұрғындардың топтық төбелес болып жатқандығы туралы қоңырау түскенін хабарлады.
"Оқиға орнына жедел-тергеу тобы барды. Жанжалға қатысушылар ұсталып, Ақтау қалалық полиция бөліміне жеткізілді. Жанжал тұрмыстық жағдайда, алкогольдік ішімдік ішкеннен кейін болғаны анықталды", – дейді полиция.
Бұл факті бойынша Қылмыстық кодекстің 293 -бабы "Бұзақылық" бойынша қылмыстық іс қозғалғандығы хабарланды. Тергеу жалғасуда.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
Кезінде топтық зорлыққа ұшыраған Наталья Қалымбетова 30 жылдан кейін жан сырын ақтарды
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"